كۆبوونەوەی شاندی باڵای دانوستانكاری پارتی و یەكێتی بۆ پێكهێنانی كابینەی دەیەمی حكومەت لە سلێمانی كۆتایی هات و بڕیاریاندا درێژە بە کۆبوونەکان بدەن.
ئەمڕۆ شەممە ٢٢ـی شوباتـی ٢٠٢٥، کۆبوونەوەی شاندی باڵای پارتی و یەکێتی لە سلێمانی کۆتایی هاتوو و راگەیەندراوێکیان بڵاوکردەوە لە بارەی کۆبوونەوەکەوە رایانگەیاند، کۆبوونەوەیەکی ئەرێنییان ئەنجامداوە.
ئاماژە
بەوەشکراوە، کۆبوونەوەکە تایبەت بوو بەخستنەڕوو و گفتوگۆکردنی راپۆرتی لیژنەی هاوبەشی
هەردوولا کە بریتی بوو لە تێڕوانینی سیاسی و کارگێڕی و هەنگاوەکانی پەیوەست بە پێکهێنانی
کابینەی دەیەمی حکومەتی هەرێم و دامەزراوەکانی دیکە.
ئەوەش
خراوەتەڕوو، لەبارەی ناوەرۆکی راپۆرتەکە سەرنج و تێبینی وەفدی دانوستاندکاری هەردوولا
خرایەڕوو و میکانیزمی گونجاو بۆ چۆنییەتی رێکخستنەوە و رێککەوتن لەسەر کۆی بابەتەکان
قسەی لەسەر کرا .
باسیان
لەوەشکرد، هەر بۆ ئەو مەبەستە هەردوو شاندی دانوستانکار بڕیاریاندا درێژە بەکۆبوونەوەکانی
نێوانیان بدەن بۆ زیاتر لێکتێگەیشتن و داڕشتنی بەرنامەیەکی هاوبەشی پەسەندکراو لەپێناو
بەرژەوەندی هاوڵاتیانی هەرێم.