شاسوار عەبدولواحید باسی لەوە کرد، ئەگەر لەو دۆخەدا ریفراندۆم بکرێت نەک هەر دەوڵەت دروست ناکرێت بەڵکو سنورەکان دادەخرێت و ئەگەری شەڕ هەیە و دروستکردنی دەوڵەت دەبێت بە پلان و خزمەتی هاوڵاتیان بێت و ریفراندۆم تەنها بۆ مەرامێکی سیاسییە و نەک سوود زیانی هاوڵاتیانی تێدایە.

دوای شکستەکەیان لە ریفراندۆمیش و لەدەستدانی زیاتر لە نیوەی خاکی هەرێم و ئاوارەبوون و دەربەدەربوونی چەندان خێزانی کەرکوک مەسعود بارزانی وتی، "داواکارم لایەنە عێراقییەکان ئەوانەی باوەڕیان بە گفتوگۆ و حیوار هەیە دەرگای حیوار دانەخەن".

دوای حەوت ساڵیش پارتی و یەکێتی لەسەر هەمان قەوانی پێشووتر ئەڕۆن و بەردەوامن لەسەر هەمان سیاسەتی ناڕاست کە خەڵک دەکەنە قوربانی و بەردەوامن لە بەڵێن وبانگەشەی ناڕاست، بەڵام هەڵبژاردنی ئەمجارە لەپێشیانە و بوەتە مۆتەکە بۆیان، خەڵک بڕۆن بۆ دەنگدان کۆتایی بە حکومڕانیە ۳۳ ساڵەکەی پارتی ویەکێتی دێت.

هاوڵاتیانیش باس لەوە دەکەن، ٣٣ ساڵە مۆڵەت دەدەنە ئەم دوو حزبە تاوەکو بتوانن ژیانێکی شایستەیان بۆ دابین بکەن، بەڵام رۆژ لە دوای رۆژ ژیانیان خراپتر دەبێت و لەم هەڵبژاردنەدا لیستێکی نوێ تاقی دەکەنەوە کە بتوانێت دۆخی ژیانیان باشتر بکات.