کێشەکانی نێوان وەزارەتی نەوتی عێراق و ڕێکخراوی ئۆپیک سەبارەت بە رێژەی هەناردەکردنی نەوتە، بەوپێیەی ڕێکخراوی ئۆپیک پڵەس بە وەزارەتی نەوتی عێراق ڕاگەیاندووە، هەناردەکردنی نەوت کەمبکەنەوە، چونکە عێراق لەو سێ ملیۆن و ٣٠٠ هەزار بەرمیلەی بۆی دیاریکراوە زیاتری فرۆشتووە.

هاوکات، ئۆپیک فشاری خستوەتەسەر عێراق بۆ کەمکردنەوەی بڕی هەرنادەکردنی نەوت، چونکە ئەو برەی کە لە هەرێمەوە بە قاچاخ هەناردە دەکرێت هەر لەسەر بری هەناردەی عێراق هەژمار دەکرێت، کە ڕۆژانە ٣٠٠ هەزار بەرمیل هەناردە دەکرێت، بۆیە ئۆپیک و وەزارەتی نەوتی عێراق ڕێککەوتوون لەسەر ئەوەی ئەو ڕێژەیەی کە عێراق بە زیادە هەناردەی کردوە، دەبێت تاوەکو مانگی نۆی ساڵی داهاتوو قەرەبووی بکاتەوە بە کەمکردنەوەی هەناردەکردنی ٩٠ تا ١٢٠ هەزار بەرمیلی ڕۆژانە.

باس لەوەشدەکرێت، لە کۆبوونەوەی بەرپرسەکەی ئۆپیک لەگەڵ لایەنی عێراقی بڕیارە پرسی بە قاچاخبردنی نەوتی هەرێم باس بکرێت کە رۆژانە لەلایەن پارتی و یەکێتیەوە بە قاچاخ و لە رێگەی تانکەرەوە دەیفرۆشن و داهاتەکەى بە نزیکەى ٥٠٠ ملیۆن دۆلار دەخەمڵێنرێت و ناگەڕێتەوە بۆ خەزێنەى گشتى و بۆ بنەماڵەى بارزانى و تاڵەبانى دەڕوات.