نانی بەیانیان بە گرنگترین ژەم دادەندرێت، وازهێنان لێی کاریگەری نەرێنی لەسەر جەستە دروست دەکات.
لە راپۆرتێکی ماڵپەڕی " The Times Of India" دا ئاماژە بە چەند هۆکارێک کراوە بۆ ئەوەی گرنگی بدەیت بە نانی بەیانیان، بەم شێوەیە:
١. باشترکردنی ئاستی میتابۆلیزم و وزە:
خواردنی نانی بەیانی یارمەتی چالاککردنی میتابۆلیزم دەدات، یارمەتیت دەدات بە درێژایی ڕۆژ کالۆری بسوتێنیت، کاتێکیش ئەم ژەمە ناخۆیت میتابۆلیزمت خاو دەبێتەوە.
٢. باشترکردنی تەرکیز و کارکردنی مێشک:
خواردنی نانی بەیانیان دەبێتە هۆی باشترکردنی کارەکانی مێشک و باشترکردنی یادەوەری و تەرکیز.
٣. یارمەتیدەرە لە خواردن و وەرگرتنی ماددە خۆراکیەکان:
ژەمی بەیانیان دەرفەتێکی نایاب و ناوازەیە بۆ خواردن و وەرگرتنی ماددە خۆراکییە گرنگەکان، کە جەستە پێویستیانە بۆ ئەوەی تەندروست بمێنێتەوە.
٤. کۆنترۆڵ نەکردنی کێش:
وازهێنان لە نانی بەیانی دەبێتە هۆی زیادەڕۆیی لە خواردن لە درەنگانی ڕۆژدا، چونکە برسێتی زیاد دەکات و لە ئەنجامدا دەبێتە هۆی زیادبوونی کێش.
٥. باری دەروونی باشتر دەکات و فشاری دەروونی کەم دەکاتەوە:
دەستپێکردنی ڕۆژەکەت بە ژەمێکی خۆراکی تەندروست کاریگەری ئەرێنی لەسەر باری دەروونی و ئاستی فشاری دەروونیت دەبێت، هەروەها برسێتی و دابەزینی ئاستی شەکر لە خوێندا دەبێتە هۆی توڕەبوون و دڵەڕاوکێ و گۆڕانی باری دەروونی، چونکە خواردنی نانی بەیانیان یارمەتیدەرە بۆ جێگیرکردنی ئاستی شەکری خوێن، ئەمەش وزەی بەردەوام دەدات.