PM:10:59:23/07/2024
1216 جار خوێندراوەتەوە
حکومەتى کاربەرێکەر لە پێنج ساڵى رابردوودا نەک هیچ هاوکارى جوتیارانى نەکردووە، بەڵکو ملیۆنان دۆنم زەوى کشتوکاڵیی لەناو بردووە و سەدان دۆنم زەویشى لەسەر کۆمپانیاکانى تاپۆ کردووە، لەگەڵ نزیکبوونەوەى هەڵبژاردنیشدا بەڵێنى هاوکارى بەرهەمی ناوخۆ دەدات و دواى هەڵبژاردن بیرى خۆى دەباتەوە.
مەسرور بارزانی سەرۆکی حکومەتی کاربەڕێکەری هەرێم لە کارنامەی حکومەتەکەیدا رایگەیاند، گرنگى بە کشتوکاڵ دەدەن و بەرهەمى ناوخۆى زیاد دەکەن، بەڵام لە پێنج ساڵى رابردوودا، حکومەتى کاربەرێکەر نەک گرنگى بە کشتوکاڵ نەدا، بەڵکو زۆرترین بەربەستى بۆ ساغکردنەوەى بەرهەمى جوتیاران دروست کرد و تازەترین کێشەى زۆربەى جوتیارانى هەرێمیش، ساغنەکردنەوەى بەرهەمەکانیان بوو لە سایلۆکان و ناچار بە فرۆشتنەوەى بوون لە بازاڕى رەشدا.
بەپێى تازەترین
ئامارەکان، نزیکەى ٦٠ هەزار کەس لە هەرێمى کوردستان جوتیارن و نزیکەى پێنج ملیۆن دۆنم
زەوى کشتوکاڵى دێمى هەن کە شیاون بۆ داچاندنى گەنم و جۆ و دانەوێڵە، جیا لەوەش، دوو
ملیۆن دۆنم زەوى بەراو هەیە کە شیاون بۆ سەوزە و میوە، بەڵام دەسەڵاتى هەرێم نەک
گرنگى بە کشتوکاڵ نەداوە، بەڵکو بەپێى دواین ئامارەکان، نزیکەى دوو ملیۆن دۆنم زەوى
کشتوکاڵى بە بەراو و دێمییەوە لەلایەن بەرپرسانەوە لەناو براون.
هاوکات، ئەو وڵاتانەى
گرنگى بە کشتوکاڵ دەدەن، نزیکەی ١٠٪ـی بودجەى گشتىی ساڵانەیان تەنها بۆ وەبەرهێنانى
کشتوکاڵ و هاوکارى جوتیاران بەکار دەهێنن، لە بەرامبەردا، ١٠ ساڵى تەواوە حکومەتەکەى
پارتى و یەکێتى نەک هاوکارى جوتیارانى نەکردووە، بەڵکو هەر یاسای بودجەشى نەبووە.
بەهۆى گۆڕانى کەشوهەوا
و بەرزبونەوەى نرخى خۆراک و دۆزینەوەى سەرچاوەى نوێوە، ئێستا زۆرترین گرەو لەسەر
گرنگیدانە بە کشتوکاڵ و وڵاتانى ناوچەکە ساڵانە سەدان ملیار دۆلار بۆ دروستکردنى بەنداو
و بوژانەوەى کشتوکاڵ و سامانى ماسى خەرج دەکەن، تەنها حکومەتى کاربەڕێکەر نەبێت، لە
جیاتى هاوکارى، بەربەستى گەورە بۆ جوتیاران دروست دەکات و زەوییە کشتوکاڵییەکان لەناو
دەبات و یارمەتى ساغکردنەوەى بەرهەمى ناوخۆیی نادات.