لە هەرێمی کوردستان بە سێ جۆر باج وەردەگیرێت، وەک باجی دەرامەت و باجی کۆمپانیاکان و باجی خانووبەرە، کە لە کابینەی نۆ دا ڕێگاکانی وەرگرتنی باجەکان و ڕێژەکەیشی زیادیکرد، بەشیوەیەک حکومەتی کاربەڕێکەر لە کابینەی نۆ بە ٤٥٠ رێگا باجی لە کاسبکار و هاوڵاتییان وەردەگرێت ڕێژەکەیشی ٦٢١٪ زیادیکرد، کە ئەوەش نایاساییە و بەگوێرەی دەستووری عێراق حکومەتی هەرێم ناتوانێت باج زیادبکات.

بەپێی ئامارێکی ڕێکخراوی ستۆپیش، داهاتی باج لە هەرێمی کوردستان لە ساڵی ٢٠٢٣ـدا نزیکەی چوار ترلیۆن و ٢٠٠ ملیار دینار بووە.

زیادکردنی باج بەشێوەیەکە، لە باجی دەرامەت حکومەتی کاربەڕێکەر ڕێژەکەی بەرزکردووەتەوە کە لەنێوان 3٣٪ بۆ١٥٪ـە، هاوکات بەرێژەی ١٥٪باج لە کۆمپانیاکان وەردەگیرێت و هەرچی باجی خانوبەرەیشە کابینەی نۆ ڕێژەکەی بەرزکردووەتەوە بۆ ١٠٪ بەشێوەیەک موڵکانە و سەرقوفڵانە کە پێشتر ٢٥٠ هەزار دینار وەردەگیرا بەڵام ئێستا زیادی کردوە بۆ ٨٠٠ هەزار دینار تا ملیۆنێک و ٥٠٠ هەزار دینار.

هاوکات، حکومەتی کاربەڕێکەر لەباتی هەرزانکردنی نرخ و ئاسانکاری بۆ بازرگانان، باجی لەسەر ماددە خۆراکیەکانیش بە ڕێژەی ١٣٪ زیادکردووە، بەچەندین جۆریش باج لە کاسبکاران وەردەگرێت وەک باجی فلێکس خۆڵ و خاشاک.

جگە لەمانەش سەرباری خراپی گوزەرانی خەڵک و نەبوونی موچە، حکومەتی کاربەڕێکەر بە رێژەی %5 باجی لەسەر ئەو موچە خۆرانە زیادکردووە کە موچەکانیان لە سەرو ملیۆنێک دینارەوەیە، داهاتی ئەو باجەش هاوشێوەی داهاتەکانی تری ناوخۆ کەس نازانێت چی لێدەکرێت و بۆ کوێ دەچێت.