سەردێڕ:

ئاماری فەرمی گیانلەدەستدانی کۆچبەران لەمساڵدا بڵاوکرایەوە

PM:08:29:09/07/2024

1192 جار خوێندراوەتەوە

سەرۆکی دەزگای لوتکە بە ئێن ئاڕ تی راگەیاند، لە نۆ ساڵی رابردوودا ٧٥٠ هەزار و ٤٩٨ کۆچبەری عێراقی لە وڵاتانی ئەوروپا داوای مافی پەنابەریان کردووە و لە ئەمساڵیشدا ١٠ هەزار و ٥٠٠ عێراقی داواکاری پەنابەریان پڕکردووتەوە و ٢٢ کۆچبەریش لە رێگەی ئەوروپادا گیانیان لەدەستداوە.


ئەمڕۆ سێشەممە، ئاری جەلال سەرۆکی دەزگای لوتکە بە ئێن ئاڕ تی راگەیاند، لە ئەمساڵدا ١٠ هەزار و ٥٠٠ کۆچبەری عێراقی داواکاری پەنابەریان پڕکردووتەوە کە بەراورد بە ساڵی رابردوو رێژەکە کەمی کردووە.

ئاماژەی بەوەش کرد، لەمساڵدا ٢٢ کۆچبەر گیانیان لەدەستداوە و ١٢ کۆچبەریش بێ سەروشوێن بوون و لە نۆ ساڵی رابردووشدا ٣٤٣ کۆچبەر گیانیان لەدەستداوە و ٢٤٥ کۆچبەریش گیانیان لەدەستداوە و بە کشتی ٥٩١ کەسیش بوونەتە قوربانی کۆچکردن.

ئامارەکان ئەوەش دەخەنە روو، ژمارەی گیان لەدەستدان و بێ سەروشوێن بوونی کۆچبەران لەمساڵدا بەراورد بە ساڵی رابردوو زیادی کردووە کە ساڵی رابردوو حەوت کۆچبەر گیانیان لەدەستداوە و دوو کۆچبەریش بێ سەروشوێن بوون.

کارزان عەلی- برۆکسل 












گەلەری