بانکی ناوەندیی عێراق رایگەیاند، لە خستنەڕووی ئەمڕۆدا بە تێکڕا زیاتر لە ٢٧٩ ملیۆن دۆلاری بەشێوەی کاش و حەواڵەی دەرەکی فرۆشتووە. هاوکات، لە ئێستادا لە بازاڕی دراوەکانی هەرێم ١٠٠ دۆلار بە ١٤٧ هەزار و ١٠٠ دینار مامەڵەی پێوە دەکرێت.
ئەمڕۆ یەکشەممە، بانکی ناوەندیی عێراق لە سەکۆی ئەلکترۆنی خستنەڕووی دراوەکانەوە رایگەیاند، بە تێکڕا ٢٧٩ ملیۆن و ٨٦٧ هەزار و ٤٠٧ دۆلاری بە نرخی فەرمی بانکەکە بە بانک و بازرگانەکان فرۆشتووە.
ئاماژەی بەوەش کرد، لەو
رێژەیە بڕی ٢٥ ملیۆن و ٨٦٠ هەزار دۆلاری بەشێوەی کاش، هاوکات ٢٥٤ ملیۆن و حەوت
هەزار و ٤٠٧ دۆلار بەشێوەی حەواڵەی دەرەکی بووە.
هاوکات، لە ئێستادا لە
بازاڕی دراوەکانی هەرێم ١٠٠ دۆلار بە ١٤٧ هەزار و ١٠٠ دینار مامەڵەی پێوە دەکرێت.
ئەوەش لەکاتێکدایە، لە ماوەی هەفتەی رابردوودا، بانکی ناوەندی تەنها
چوار رۆژ خستنەڕووی دۆلاری بەشێوەی کاش و حەواڵە هەبووە و بە تێكڕا لەلایەن بانکەکان
و بازرگانانی رێگەپێدراوەوە بڕی یەک ملیار و ١٠٥ ملیۆن و ٢٩٤ هەزار و ١٥٤ دۆلار فرۆشراوە.