بانکی ناوەندیی عێراق رایگەیاند، بۆ فرۆشی ئەمڕۆ بەتێکڕا زیاتر لە ٢٧٦ ملیۆن دۆلار بەشێوەی کاش و حەواڵەی دەرەکی بە بانک و بازرگانەکان فرۆشراوە. هاوکات لە ئێستادا لە بازاڕی دراوەکانی هەرێم ١٠٠ دۆلار بە ١٤٥ هەزار و ٦٠٠ دینار مامەڵەی پێوە دەکرێت.
ئەمڕۆ چوارشەممە، بانکی ناوەندیی عێراق لە سەکۆی خستنەڕووی دراوە بیانییەکان رایگەیاند، بۆ ئەمڕۆ بە تێکڕا ٢٧٦ ملیۆن و ٨٤٠ هەزار و ٣٩٥ دۆلار بە نرخی فەرمی بانکەکە فرۆشراوە.
ئاماژە بەوەش کراوە، لەو
رێژەیە ٧٥ ملیۆن و ٥٦٠ هەزار دۆلاری بەشێوەی کاش بووە، ٢٠١ ملیۆن و ٢٨٠ هەزار و ٣٩٥
دۆلاری بەشێوەی حەواڵەی دەرەکی فرۆشراوە.
هاوکات، لە ئێستادا لە
بازاڕی دراوەکانی هەرێم ١٠٠ دۆلار بە ١٤٥ هەزار و ٦٠٠ دینار مامەڵەی پێوە دەکرێت،
بەراورد بە کاتی داخستنی بازاڕ لە دوێنێدا نرخەکەی دابەزیوە.
ئەوەش لەکاتێکدایە، هەفتەی
رابردوو بانکی ناوەندیی عێراق بڕی ملیارێک و ٣٨١ ملیۆن و ٨٧١ هەزار و ٣٣٨ دۆلاری
فرۆشتووە، لەو بڕەش، ملیارێک و ٢٦٤ ملیۆن و ١٩٤ هەزار و ٣٤٢ دۆلاری بەشێوەی حەواڵە
و ١٠٩ ملیۆن و ٦٧٦ هەزار و ٩٩٦ دۆلاری بەشێوەی کاش بووە.