PM:08:18:01/04/2026
88 جار خوێندراوەتەوە
+
-
فابیۆ کاپێلۆ دەتەقێتەوە و دوپاتیکردەوە نەگەیشتنی
ئیتاڵیا بۆ مۆندیال شەرمەزاری و کارەساتێکی وەرزشییە.
فابیۆ کاپێلۆی ڕاهێنەری بەئەزموونی ئیتاڵی، دوای شکستی هەڵبژاردەی
وڵاتەکەی لە گەیشتن بە مۆندیالی 2026، خەمباری و توڕەیی خۆی دەربڕی و ڕایگەیاند کە
بەهۆی ئەو شۆکەوە تەواوی شەوەکە خەو
نەچووەتە چاوانی.
هەڵبژاردەی ئیتاڵیا دوای شکستی بەرامبەر بۆسنە و هەرسک بە لێدانی
یەکلاکەرەوە ، بۆ جاری سێیەم لەسەریەک لە گەیشتن بە جامی جیهانی بێبەش بوو، ئەمەش
وەک کارەساتێکی مێژوویی لە قەڵەم دەدرێت.
کاپێلۆ لە لێدوانێکدا بۆ ڕۆژنامەی مارکا وتی: تا ئێستاش بڕوا ناکەم چی
ڕوویداوە، ئێمە باسی هەڵبژاردەیەک دەکەین کە چوار جار بووەتە پاڵەوانی جیهان،
ئەمەی ڕوویدا شەرمەزاری و کارەساتێکی وەرزشی گەورەیە.
ناوبراو ڕەخنەی توندی ئاڕاستەی بەرپرسانی یەکێتی تۆپی پێی ئیتاڵیا کرد و داوای
گۆڕانکاری ڕیشەیی کرد و وتی: جێی نیگەرانییە کە کەس دەستلەکارناکێشێتەوە، دەبێت
سەرۆکی یەکێتی و
تەواوی کارگێڕییەکە بەرپرسیارییەتی ئەم شکستە هەڵبگرن.
کاپێلۆ جەختی لەوە کردەوە کە تۆپی پێی ئیتاڵیا پێویستی بە دووبارە
بنیاتنانەوە هەیە لە خاڵی سفرەوە و دەبێت وەبەرهێنان لە گەنجەکاندا بکرێت، چونکە
کێشەکە تەنها ئەنجام نییە، بەڵکو کێشەیەکی بنەڕەتییە لە پێکهاتەی وەرزشی
وڵاتەکەدا.
لە کۆتاییشدا ئاماژەی بەوە
کرد کە، ئیتاڵیا لە پرسەدایە و قبوڵکردنی
سێیەم غیاب لە مۆندیال بۆ گەلێک کە خولیای تۆپی پێ کارێکی مەحاڵە.