PM:04:50:24/03/2026
152 جار خوێندراوەتەوە
+
-
فلیک داوای گواستنەوەی پێنج یاریزانی کردووە لەپێناو بەهێزکردنی پێکهاتەکەی بۆ وەرزی داهاتوو.
پێگەی دیڤینسا سێنتراڵی ئیسپانی بڵاویکردەوە، هانسی فلیکی ئەڵمانی و راهێنەری بەرشەلۆنە لە ئێستاوە پلانەکانی خۆی دیاریکردووە بەمەبەستی گواستنەوەی چەند یاریزانێک بۆ وەرزی داهاتوو.
ئەو پێگەیە دوپاتیکردووەتەوە کە راهێنەرە ئەڵمانیەکە لەکاتی کۆبونەوەی لەگەڵ کارگێڕی یانەکەیدا لیستێکی پێنج یاریزانی پێشکەش کردوون تا لەم هاوینەدا پەلکێشیان بکەن.
ئاماژەی بەوەشداوە، لە هێڵی بەرگری فلیک داوای ئیمزاکردنی گرێبەستی لەگەڵ سێ یاریزان کردووە کە ئەوانیش ئەلیساندرۆ باستۆنی و دینزێل دومفرێسی یاریزانانی ئینتەر میلان و ڤان دی ڤینی تۆتنهامن.
راشیگەیاندووە، جگە لەوەش فلیک داوای ئیمزاکردنی گرێبەستی لەگەڵ پیدرۆ نیتۆی ئەستێرەی چێڵسی و هەڵبژاردەی پۆرتوگال کردووە بەهۆی ئەوەی دەتوانێت لە چەندین پێگەی جیاواز یارییبکات.
کۆتا یاریزانیش کە راهێنەرە ئەڵمانیەکە داوای کردووە ڤیکتۆر ئۆسیمینی هێرشىەری نەیجیریە تا لە وەرزی داهاتوودا وەک هێرشبەری سەرە ڕمی سەرەکی پشتی پێببەستێت.
خ . ک