PM:03:05:31/03/2026
168 جار خوێندراوەتەوە
+
-
بایرن و پاریس
چاودێری محەمەد سەڵاح دەکەن و ریاڵ مەدریدیش گرنگی بەو یاریزانە نادات.
محەمەد سەڵاحی
ئەستێرەی میسری لە کۆتایی ئەم وەرزەدا ریزەکانی یانەی لیڤەرپوڵی ئینگلیزی
جێدەهێڵێت و ناوی ئەو یاریزانەش بە چەندین یانەی ئەوروپا و یانەکانی سعودیەوە
بەستراوە.
ئەکرەم کۆنۆری
رۆژنامەنووسی تورکی بڵاویکردووەتەوە، مانەوەی محەمەد سەڵاح لە ئەوروپا و بەتایبەت
لە یەکێک لە یانە بەهێزەکان ئەگەرێکی کراوەیە و بەدوور نازانرێت.
ئەو رۆژنامەنووسە
رایگەیاندووە، بەرپرسانی هەردوو یانەی بایرن میونشنی ئەڵمانی و پاریس سان جێرمانی
فەرەنسی چاودێری ئەستێرە میسریەکە دەکەن و ئەگەری گواستنەوەی بە کراوەیی بۆ ئەو
دوو یانەیە ماوەتەوە.
ئاشکرایکردووە کە
بە هیچ شێوەیەک یانەی ریاڵ مەدریدی ئیسپانی بەنیاز نین گرێبەستی لەگەڵ محەمەد
سەڵاح ئیمزابکەن تا بیکەنە شوێنگرەوەی رۆدریگۆ و گرنگی دانی ئەو یانەیە بەو
یاریزانە دوورە لە راستیەوە.
رۆژنامەنووسە
تورکیەکە نوسیویەتی، یانە گەورەکانی سعودیە بەتایبەت هیلال و ئیتیحاد ئارەزووی
گواستنەوەی محەمەد سەڵاحیان هەیە و ئامادەن مووچەی ساڵانەی زۆری پێشکەش بکەن.
خ . ک