AM:11:41:21/01/2026
224 جار خوێندراوەتەوە
+
-
ڤینیسیۆس دوپاتیکردەوە دەیەوێت بۆ ماوەیەکی درێژ
لە ریاڵ مەدرید بمێنێتەوە و دەستوەردانی لە دەرکردنی ئەڵۆنسۆش رەتکردەوە.
ڤینیسیۆس جۆنیۆر، ئەستێرەی بەڕازیلی یانەی ریاڵ
مەدرید، دوای درەوشانەوەی بەرامبەر مۆناکۆ، بە راشکاوی باسی لە فشارەکان و
داهاتووی خۆی کرد و رایگەیاند، یاریکردنی بەکۆمەڵ کلیلە بۆ دەرکەوتنی باشترین
ئاستی ئەو، چونکە کاتێک تۆپ بە باشی دەجووڵێت ئەو زیاتر دەتوانێت بەشداریی
یارییەکە بکات.
ڤینی
پەردەی لەسەر هەستە مرۆییەکانی لادا و وتی: یاریکردن بۆ گەورەترین یانەی جیهان
قورسە و منیش مرۆڤم؛ لە رۆژانی رابردوودا بەهۆی فیکەی ناڕەزایەتی هاندەران و ئەو
قسانەی لەسەر من و هاوڕێکانم دەکرا، زۆر ئازارم چەشت و لە ماڵەکەی خۆمدا کە بێرنابیۆیە
هەستم بە ئارامی نەدەکرد.
وتیشی: نامەوێت
بەهۆی کێشەکانی دەرەوەی یاریگا لەسەر زاران بم، بەڵکو دەمەوێت بەهۆی ئەو کارانەی
بۆ یانەکەم دەیکەم جێگەی بایەخ بم، هەروەها ڤینی هەر جۆرە دەستوەردانێکی لە رۆیشتنی
راهێنەری پێشوو رەتکردەوە و ئاماژەی بەوە کرد کە هەمیشە هەموو توانای خۆی بۆ ئەو درێسە
بەخشیوە.
سەبارەت
بە داهاتوو و نوێکردنەوەی گرێبەستەکەی، ڤینی پەیامێکی دڵنیایی دا و باسی لەوەکرد، ساڵێکی
تر لە گرێبەستەکەی ماوە و متمانەیەکی دوولایەنە لە نێوان ئەو و سەرۆکی یانەدا هەیە
و هیچ پەلەیەکیان نییە، چونکە دەیەوێت بۆ ماوەیەکی درێژ لە مەدرید بمێنێتەوە و بە
شادییەوە گۆڵ تۆمار بکات و نازناو بەدەستبهێنێت.