AM:10:30:24/08/2026
1156 جار خوێندراوەتەوە
کازم جەلالی باڵیۆزی ئێران لە رووسیا ڕایگەیاند، هێرشەکانی ئەمریکا و ئیسرائیل بۆ سەر دامەزراوە ئەتۆمییەکانی ئێران و بێدەنگیی ئاژانسی نێودەوڵەتی وزەی ئەتۆم، زیانێکی گەورەی بە سیستەمی جیهانیی و قەدەخەکردنی چەکی ئەتۆمی گەیاندووە و بەرەو لاوازبوونی بردووە.
ئەمڕۆ دووشەممە ٢٤ـی ئابی ٢٠٢٦، کازم جەلالی باڵیۆزی ئێران لە رووسیا ڕایگەیاند، بەداخەوە ئاژانسی نێودەوڵەتی وزەی ئەتۆم بە شێوەیەکی راستەوخۆ سەرکۆنەی ئەم هێرشانەی نەکردووە.
ئاماژەی بەوەشکرد، ئێمە و کۆمەڵگەی نێودەوڵەتیش نیگەرانین لەوەی سیستەمی
نێودەوڵەتی بۆ رێگری لە بڵاوبوونەوەی چەکی ئەتۆمی بەرەو لاوازی بچێت.
باسی لەوەشکرد، ئەمریکا و ئیسرائیل وەک دوو هێزی خاوەن چەکی ئەتۆمی، هێرشیان
کردووەتە سەر دامەزراوەکانی وڵاتێکی نائەتۆمی کە سەرجەم چالاکییەکانی لەژێر چاودێری
و گەرەنتییە نێودەوڵەتییەکاندا بووە.
