PM:06:28:20/08/2026
1488 جار خوێندراوەتەوە
عەلی زەیدی لەگەڵ سەرۆک و ئەندامانی بەرەی سادقون کۆبووەوە و لە کۆبوونەوەکەدا جەخت، لەسەر پێشکەشکردنی پرۆژەیاسای بودجەی ساڵی ٢٠٢٧ و بەهێزکردنی هەماهەنگی نێوان دەسەڵاتی جێبەجێکردن و یاساداندان کرایەوە.
ئەمڕۆ پێنجشەممە ٢٠ـی ئابی ٢٠٢٦، عەلی زەیدی، سەرۆک وەزیرانی عێراق، لەگەڵ بەرەی سادقون کۆبووەوە و تاوتوێی پەرەپێدانی خزمەتگوزاری و پشتگیریکردنی هەنگاوەکانی حکومەت لە بواری چاکسازی و نەهێشتنی گەندەڵیدا کرا.
لەو کۆبوونەوەیەدا، سەرۆکوەزیران ئاماژەی بەوەدا که حکومەت ئێستا
سەرقاڵی ئامادەکردنی بودجەی گشتیی ساڵی ٢٠٢٧ـە و لە داهاتوویەکی نزیکدا ڕوانەی
پەرلەمانی دەکات. هەروەها جەختی لەسەر جێبەجێکردنی پلانی زیادکردنی بەرهەمهێنان و
هەناردەکردنی نەوت و بایەخدان بە کەرتی کارەبا لە بودجەکەدا کردەوە.
لای خۆیەوە، سەرۆکی بەرەی سادقون پشتگیریی تەواوی خۆیان بۆ سیاسەتەکانی
حکومەت، بەتایبەت لە بوارەکانی ڕووبەڕووبوونەوەی گەندەڵی و چاکسازیی دارایی و
کارگێڕیدا، دووپاتکردەوە.
