PM:04:08:19/08/2026
1728 جار خوێندراوەتەوە
بەڕێوەبەرایەتیی گشتیی حەج و عومڕەی هەرێم، چەند بڕیارێکی نوێی سەبارەت بە کۆمپانیاکانی گواستنەوەی عومرەکاران ئاشکرا کرد.
ئەمڕۆ چوارشەممە ١٩ـی ئابی ٢٠٢٦، کاروان ستونی، وتەبێژی حەج و عومرەی کوردستان رایگەیاند، ئەو کۆمپانیایانەی لە ساڵی ٢٠٢٥، گرێبەستیان ئەنجامداوە، بەردەوام دەبن لەسەر کارەکانیان تا ئەو کاتەی رێنمایی نوێ لەلایەن بەڕێوەبەرایەتییەکەوە دەردەچێت.
سەبارەت بە کۆمپانیا نوێیەکان، وتەبێژی حەج و عومرە ئاماژەی بەوە کرد کە هەموو
ئەو کۆمپانیایانەی لە ساڵی ٢٠٢٥، گرێبەستیان نەکردووە یان بە تازەیی دامەزراون و مۆڵەتی
کارکردنیان وەرگرتووە، بەپێی مەرج و رێنماییەکانی ساڵی ٢٠٢٥ گرێبەستی کاتییان لەگەڵدا
دەکرێت تا کاتی دەرچوونی رێنماییە نوێیەکان.
لە کۆتاییدا ئەو وتەبێژە ئاماژەی بەوەش کرد، ئەم بڕیارانە لە ئەمڕۆوە،
چوارشەممە ١٩ـی ئابی ٢٠٢٦، دەچنە بواری جێبەجێکردنەوە.
