PM:08:19:17/08/2026
788 جار خوێندراوەتەوە
حکومەتی ماوەبەسەرچوو نەخۆشخانەیەکی ئەهلی دهۆکی بە بیانوی مامەڵەی نەشیاو لەگەڵ ستاف و کارمەندانی خۆی داخست، بەرپرسانی نەخۆشخانەکەش دەڵێن، داخستنەکە لەبەر ئەوە نەبووە، بەڵکو لەبەر هەرزانی و کوالێتیی نەخۆشخانەکە بووە.
ئەمڕۆ دووشەممە ١٧ـی ئابی ٢٠٢٦، حکومەتی ماوەبەسەرچووی مەسرور بارزانی نەخۆشخانەیەکی ئەهلی لە دهۆک دوای تەنها مانگێک و نیو بە بیانوی مامەڵەیەکی نەشیاو و ناشرین لەگەڵ کارمەند و ستافی نەخۆشخانەکە داخست، لە ئێستاشدا هیچ کارێکی تێدا ناکرێت و بیناکەی بۆ فروشـتن دانراوە.
بەرپرسانی ئەو
نەخۆشخانەیە دەڵێن، ئەو هۆکارەی باس دەکرێت کە نەخۆشخانەکەی لەسەر داخراوە دوورە
لە ڕاستییەوە، بەڵکو هۆکاری سەرەکیی گرتنی نەخۆشخانەکە هەرزانیی نرخەکان و باشیی
کوالێتیی کارەکە بووە.
ئاماژەیان
بەوەشکردووە، ئەگەر نەخۆشخانەکە دانەخرایە، کاری نەخۆشخانە ئەهلییەکانی تری
بەرپرسان کەم دەبووەوە، هەر لەبەر ئەوەش دژایەتییان کراوە و داخراوە.
ئەمەش لە
کاتێکدایە، لە حەوت ساڵی حکومەتی ماوەبەسەرچووی مەسرور بارزانیدا کەرت تەندروستی
ڕۆژ بە ڕۆژ لە پاشەکشەدایە.
