سەرۆکی پارتی گەشەپێدانی تورکمان، لە راگەیەندراوێکدا ئیدانەی هێرشی سەر نووسینگەی سەرۆکی حکومەت دەکەن و دەڵێت، "ئەم جۆرە هێرش و رەفتارانە پێچەوانەی پرەنسیپەکانی ئاشتی و یاسا نێودەوڵەتییەکانن و پێشێلکاریی راستەوخۆن بۆ سەروەریی وڵات"
ئەمڕۆ دووشەممە، ١٧ـی ئابی ٢٠٢٦، پارتی گەشەپێدانی تورکمان ڕایگەیاند،"ئیدانەی ئەم هێرشە ناڕەوایانە دەکەین کە کراوەتە سەر نووسینگەی تایبەتی مەسرور بارزانی و شوێنی حەوانەوەی بەڕێوەبەری ئاژانسی پاراستن".
ئاماژەی بەوەکرد، هەرێمی کوردستان قەوارەیەکی دەستوورییە
و لە چوارچێوەی سیستەمێکی سیاسیی دیموکراتیی رێکخراودا بەڕێوەدەبرێت، هاوکات بنکەیەکی
ئارامییە بۆ گشت پێکهاتەکانی کوردستان کە نموونەی برایەتی، تەبایی و پێکەوەژیانی
ئایین و نەتەوەکانە.
جەختی
لەوەش کردەوە، ئەم جۆرە هێرش و رەفتارانە پێچەوانەی پرەنسیپەکانی ئاشتی و یاسا نێودەوڵەتییەکانن
و پێشێلکاریی راستەوخۆن بۆ سەروەریی وڵات، راشیگەیاندووە "ئەم جۆرە هێرشانە هەڕەشەیەکی
ترسناکن لەسەر خەڵکی کوردستان، قەوارەی هەرێم و ئاشتی و ئارامیی ناوچەکە."
ئەمە لەکاتێکدایە دژەتیرۆری پارتی لە راگەیەندراوێکدا
ئاشکرای کرد، کاتژمێر ١٢:٢٨ خولەکی بەرەبەیانی ئەمڕۆ، دوو درۆنی بۆمبڕێژکراو لە جۆری
(حەدید-١١٠) لە دیوی سنووری وڵاتی ئێرانەوە ئاراستەی بارەگای نووسینگەی مەسرور
بارزانی و شوێنی حەوانەوەی بەڕێوەبەری ئاژانسی پاراستن لە قەزای پیرمامی پارێزگای
هەولێر کران.