AM:10:53:17/08/2026
836 جار خوێندراوەتەوە
دژەتیرۆری پارتی ڕایگەیاند، بەرەبەیانی ئەمڕۆ دوو درۆنی بۆمبڕێژکراو لە سنووری ئێرانەوە ئاراستەی نووسینگەی تایبەتی مەسرور بارزانی و شوێنی حەوانەوەی بەڕێوەبەری ئاژانسی پاراستن لە پیرمام کران و هێرشەکە هیچ زیانێکی گیانیی لێنەکەوتووەتەوە.
ئەمڕۆ دووشەممە ١٧ـی ئابی ٢٠٢٦، دژەتیرۆری پارتی بڵاویکردەوە، دوو درۆنی بۆمبڕێژکراو لە سنووری ئێرانەوە ئاراستەی نووسینگەی تایبەتی مەسرور بارزانی و شوێنی حەوانەوەی بەڕێوەبەری ئاژانسی پاراستن لە پیرمام کران و هێرشەکە زیانی گیانی نەبووە.
ئاماژەی بەوەشکرد،
هێرشەکە کاتژمێر ١٢:٢٨ خولەک بووە و دوو درۆنی بۆمبڕێژکراو لە جۆری (حەدید-١١٠) لە
دیوی سنووری ئێرانەوە ئاراستەی بارەگای مەسرور بارزانی و شوێنی حەوانەوەی
بەڕێوەبەری ئاژانسی پاراستن لە پیرمام کران.
باسی لەوەشکرد،
"ئەم هێرش و دەستدرێژییانە بە توندترین شێوە سەرکۆنە دەکەین و بەهیچ شێوەیەک
مایەی قبووڵکردن نین، تەواوی بەرپرسیارێتیی لێکەوتەکانیشی لە ئەستۆی
ئەنجامدەرانیدایە".
