سەرۆک کۆماری تورکیا رایگەیاند، "بەردەوام دەبین لە بەهێزکردنی پەیوەندییەکانمان لەگەڵ کورد و پاراستنی مافەکانیان لە وڵاتە جیاوازەکانی ناوچەکەدا" و دەشڵێت، "کوردانی سوریا سوودمەند دەبن لە سەقامگیری و ئاشتی ناوچەکە".
ئەمڕۆ شەممە ١٥ـی ئابی ٢٠٢٦، رەجەب تەیب ئەردۆغان، سەرۆک کۆماری تورکیا لە چاوپێکەتنێکدا سەبارەت بە پرسی کورد رایگەیاند، "بەردەوام دەبین لە بەهێزکردنی پەیوەندییەکانمان لەگەڵ کورد و پاراستنی مافەکانیان لە وڵاتە جیاوازەکانی ناوچەکەدا".
هەروەها ئاماژەی بەوەش کرد کوردانی سوریا سوودمەند دەبن لە سەقامگیری و
ئاشتی ناوچەکە، جەختیشی کردەوە، سوریا بە تەنیا جێناهێڵن و لە داهاتوویەکی نزیکدا
سەردانی ئەو وڵاتە دەکات.
لە بارەی گرژییەکانی ناوچەکە بە تایبەت دۆخی ئێستای گەرووی هورمز ئەردۆغان وتی،"کردنەوەی
گەرووی هورمز لە پێشینەی کارەکانیانە و داخرانی لە بەرژەوەندی کەسدا نییە.
وتیشی، رێککەوتننامەی مەککە پەیامێکی گرنگی بۆ جیهان تێدایە و رێگە خۆش دەکات
بۆ ئەوەی وڵاتانی واژۆکار هەڵوێستی یەکگرتوویان هەبێت بەرامبەر هەر هێرشێکی دەرەکی،
دەشڵێت،" دەرگا بۆ وڵاتانی وەک میسریش واڵایە بۆ ئەوەی لە داهاتوودا پەیوەست
بن بەم رێککەوتنەوە".