وتیشی، هەندێک ئاستەنگ لەبەردم وەزارەتە سیادییەکانی وەک بەرگری، ناوخۆ و پلاندانان هەیە، جگه لە بوونی ڤیتۆیەکی نێودەوڵەتی لەسەر بەشداریپێکردنی ئەو کەسایەتییانەی ناویان لە لیستی تیرۆر و سزاکاندایە.

ئاماژەی بەوەشکرد، بەستەڵەکی نێوانیان شکاوە لەگەڵ لایەنە شیعەکان و قەیس خەزعەلی ئه‌مینداری گشتیی عەسائیبی ئەهلی حەقیان بانگهێشتی هەرێم کردووە، ئەویش بەڵێنی داوە سەردان بکات.

باسی لەوەشکرد، بە مەبەستی هەماهەنگیی بەردەوام و پڕکردنەوەی بۆشاییە سیاسییەکان ناوەندێکی سەرکردایەتییان لە بەغدا دامەزراندووە. هەروەها پشتگیریی حکومەتەکەی عەلی زەیدی دەکەن و بە دەرفەتێکی گرنگی دەبینن بۆ عێراق.

لەبارەی دۆخی ئەمنی و پەیوەندییە هەرێمییەکان وتی، "ئێران هەژموونی لە عێراقدا هەیە بەڵام پێویستە شێوازی پەیوەندییەکانی بگۆڕێت بۆ دیپلۆماسی و ڕەسمی".

لەبارەی گرژییەکانی ناوخۆ ڕوونیکردەوە، بەهۆی بوونی لایەنی ژیر لە مالێکی شیعدا و ڕێگرییەکانی ئێران، بارودۆخەکە ناگاتە ئاستی شەڕی شیعه و شیعه، بەڵام گلەیی لەوە کرد سەرەڕای ڕادەستکردنی ناوی تۆمەتبارانی هێرشەکانی سەر هەولێر، هیچ ڕێکارێکی یاسایی بەرامبەریان نەگیراوەتە بەر.