PM:12:44:30/12/2025
6060 جار خوێندراوەتەوە
قایمقامیەتی چەمچەماڵ دەڵێت، لێخۆشبوون بۆ کرێی خوێندنی خوێندکارانی پەیمانگا و زانکۆکانی سنووری چەمچەماڵ دەرکراوه.
ئەمڕۆ سێشەممە ٣٠ـی کانونی یەکەمی ٢٠٢٥، قائیمقامیەتی چەمچەماڵ لە راگەیەندراوێكدا بڵاویكردەوە، لەسەر راسپاردەی کۆمسیۆنی فریاگوزاری و بوژانەوەی چەمچەماڵ، بە فەرمانی وەزارەتی خوێندنی باڵا بڕیاردرا بە لێخۆشبوون لەسەرجەم خوێندکارانی پارالێڵی سنووری چەمچەماڵ لە قۆناغی پەیمانگا و زانکۆکان ( دبلۆم و بەکالۆریۆس و ماستەر و دبلۆمی باڵا و دکتۆرا).
سەبارەت بە رێکارەکان
ئاماژە بەوەکراوە، پێویستە
خوێندکار پشتگیری ئەنجومەنی گەڕەک ( موختار) بهێنێت بۆ دیوانی قائیمقامیەتی
چەمچەماڵ بۆ ئەوەی نووسراو بۆ پەیمانگا و زانکۆکەی بکرێت بەمەبەستی لێخۆشبوون لە
کرێی خوێندنەکەی.
