كاغەزەكان بەپێی ستانداردە ئەمنییە توندەكان چاپدەكرێن، لەوانەش نیشانەی ئەمنی شاراوە، رەنگی تایبەتمەند كە تەنیا بە ئامێری تایبەت و تاقیكردنەوە دەستنیشان دەكرێت، هەروەها ئەو تایبەتمەندیانەی كە رێگری لە كۆپیكردن دەكەن.

جگە لەوەش جۆرێكی كاغەز كە بەشێوەیەكی تایبەت دروستكراوە نیشانەی هاوشێوەی ئەوانەی لە کاغەزی دراودا بەكاردەهێنرێت و نیشانەی نهێنی زیادەی تێدایە بۆ دڵنیابوون لە یەكپارچەیی دەنگەكە.

دەستەی كۆمسیاران رەزامەندی لەسەر دابەشكردنی كۆتایی دەنگدانی گشتی و تایبەت و ئاوارەكان دەربڕی، كۆی ژمارەی دەنگدەران گەیشتە ٢١ ملیۆن و ٤٠٤ هەزار و ٢٩١ دەنگدەر، هەروەها ژمارەی دەنگدەرانی دەنگدانی گشتی گەیشتە ٢٠ ملیۆن و ٦٣ هەزار و ٧٧٣، ژمارەی ناوەندەكانی دەنگدانی گشتی گەیشتە هەشت هەزار و ٧٠٣ ، ژمارەی بنكەكانی دەنگدانی گشتی گەیشتە ٣٩ هەزار و ٢٨٥.

هەروەها، ژمارەی دەنگدەرانی دەنگدانی تایبەت گەیشتووەتە ملیۆنێک و ٣١٣ ٩٨٠ كەس، لەگەڵ ٨٠٩ ناوەند و چوار هەزار و ٥١١ وێستگەی دەنگدانی تایبەت، هاوکات ژمارەی دەنگدەرانی ئاوارە گەیشتە ٢٦ هەزار و ٥٣٨ دەنگدەر، كە ٩٧ ناوەندی دەنگدانی تایبەت و ٣٢١ وێستگەی تێدایە.