ئاماژەی بەوەشکرد،‌ پلانه‌كان له‌ ئارادان بۆ په‌ره‌پێدانی پرۆگرامی ئاسانكراو بۆ قۆناغه‌كانی ناوه‌ندی و ئاماده‌كاری، بۆ ئه‌وه‌ی له‌ قوتابخانه‌ نمونه‌ییه‌كان له‌ ماوه‌ی ساڵی خوێندنی ٢٠٢٦-٢٠٢٧ـدا تاقیبكرێنه‌وه‌، پێش ئه‌وه‌ی به‌ شێوه‌یه‌كی به‌رفراوانتر بخرێنه‌ بواری جێبه‌جێكردنه‌وه‌.

روونیشیكرده‌وه‌، وه‌زاره‌تی په‌روه‌رده‌ راهێنانی بە ژماره‌یه‌ك مامۆستا و تیمی په‌روه‌رده‌یی له‌سه‌ر زیره‌كی ده‌ستكرد و فێربوونی ئاوێته‌ ته‌واوكردووه‌، ئه‌مه‌ش ئاماژه‌یه‌ بۆ ئه‌وه‌ی تیمی ئاماده‌ن ده‌ست به‌ جێبه‌جێكردن بكه‌ن.
ئه‌وه‌شی خسته‌ڕوو، زانیارییه‌كانی به‌رده‌ست بریتین له‌ ئه‌زمونی سه‌ره‌تایی و په‌ره‌پێدانی خوله‌كانی زانكۆ له‌ بواری زیرەکی دەستکرد ( AI) زانستی كۆمپیوته‌ر، زانستی داتا، پڕۆژه‌ی تاقیكاری بچوك، وه‌ك یانه‌كانی رۆبۆتیك و AI له‌ هه‌ندێك ناوچه‌دا، كه‌ وه‌ك یه‌كه‌یه‌ك بۆ بنیاتنانی شاره‌زایی و ئه‌زموون به‌كارده‌هێنرێن، راهێنانی مامۆستایان له‌سه‌ر AI و چه‌مكه‌كانی فێربوونی تێكه‌ڵاو؛ پێكهێنانی چوارچێوه‌یه‌كی نیشتمانی AI، لیژنه‌یه‌كی باڵای AI له‌ چوارچێوه‌ی نوسینگه‌ی سه‌رۆك وه‌زیران، له‌گه‌ڵ به‌شداریكردنی پسپۆڕانی ناوخۆیی و نێوده‌وڵه‌تی.