PM:03:44:11/09/2025
1604 جار خوێندراوەتەوە
لە نزیک ناڵپارێزی سنووری پێنجوێن رووداوێکی هاتووچۆ لە نێوان دوو ئۆتۆمبێل روویدا و دوو هاوسەری گەنج تێیدا بوونە قوربانی، پیاوەکە گیانی لەدەستدا و هاوسەرەکەشی بە برینداری رەوانەی سلێمانی کرا.
ئەمڕۆ پێنجشەممە ١١ـی ئەیلولی ٢٠٢٥، هێمن ئیبراهیم، قائیمقامی پێنجوێن بە ئێن ئاڕ تی وت، رووداوەکە لە نێوان دوو ئۆتۆمبێل لە جۆرەکانی تۆیۆتا کرۆلا و پیکابێک روویداوە کە حاڵەتی پێکدادان بووە.
ئاماژەی
بەوەشکرد، لە رووداوەکەدا گەنجێکی تەمەن ١٩ ساڵ کە شۆفێری یەکێک لە ئۆتۆمبێلەکان
بووە گیانی لەدەستداوە و هاوسەرەکەشی کە تەمەنی ١٦ ساڵ بووە، بە سەختی برینداربووە
و رەوانەی سلێمانی کراوە.
باسی لەوەشکرد،
ئەو گەنجەی گیانی لەدەستداوە خەڵکی گوندی کانی سپیکەی سەربە ناحیەی ناڵپارێزە،
لێکۆڵینەوەی پۆلیسی هاتووچۆش لە رووداوەکە دەستیپێکردووە.
سیروان رەفیق - پێنجوێن
