سەرۆکی ئەمەریکا رایگەیاند، "چیتر رێگە نادەن هیچ وڵاتێک سامانی وڵاتەکەمان بدزێت و باج بەسەر تەواویی وڵاتان دەسەپێنین".
ئەمڕۆ چواشەممە ٢ـی نیسانی ٢٠٢٥، دۆناڵد ترەمپ، سەرۆکی ئەمەریکا لە کۆشکی سپی لە کۆنفرانسێکی رۆژنامەوانیدا بڵاویکردەوە، فەرمانێکی مێژووی ئیمزا دەکات کە باج بەسەر تەواویی وڵاتانی جیهاندا دەسەپێنێت کە باجیان بەسەر ئەمەریکادا سەپاندووە.
ئاماژەی بەوەشکرد، ئەمە یەکێکە لە گرنگترین رۆژەکان
لە مێژووی ئەمەریکادا، ئەمە سەردەمی زێڕینی ئەمەریکایە، ئەمڕۆ رۆژی سەربەخۆی
ئابووری ئەمەریکاییە.
هاوکات، سەرۆکی ئەمەریکا بڕیاریشی دا بە رێژەی ١٠٪
باج بەسەر هەموو کەلوپەلە هاوردەکان بسەپێنێت، هەروەها بە رێژەی ٢٥٪ باج
بەسەر ئەو ئۆتۆمبێلانە دەسەپێنێت کە لە دەرەوەی ئەمەریکا دروست دەکرێن.
باسی لەوەشکرد، ئەورووپا هیچ بەرهەمێکی ئەمەریکا
هاوردە ناکات، بۆیە بە رێژەی ٢٠٪ باج بەسەر ئەوروپا دەسەپێنن و چیتر رێگە نادەن
هیچ وڵاتێک سامانی وڵاتەکەمان بدزێت.
ترەمپ وتیشی، ٥٠ ساڵە لەرووی بازرگانییەوە ئیستغلال دەکرێن و ناتوانن بەوشێوەیە بەردەوام بن و هەندێک جار دۆستەکانیان لە دوژمنەکانیان خراپترن، دەیان ساڵە لەلایەن وڵاتانی دۆستیان تاڵان دەکرێن و خەونەکانیان دەدزرێن.
بەشێک لەو وڵاتانەی ترەمپ باجی گومرگی بەسەریاندا سەپاندووە بەم شێوەیەیە:
٣٤٪ خستە سەر بەرهەمەکانی چین.
٢٤٪ بۆ سەر بەرهەمەکانی ژاپۆن.
٣٩٪ بۆ سەر بەرهەمەکانی عێراق.
٤١٪ بۆ سەر بەرهەمەکانی سوریا.
١٠٪ بۆ سەر بەرهەمەکانی تورکیا.
١٠٪ بۆ سەر بەرهەمەکانی ئێران.
٢٠٪ بۆ سەر بەرهەمەکانی وڵاتانی ئەندام لە یەکێتی ئەورووپا.
٤٦٪ بۆ سەر بەرهەمەکانی ڤێتنام.
٣٢٪ بۆ سەر بەرهەمەکانی تایوان.
٢٤٪ بۆ سەر بەرهەمەکانی ژاپۆن.
٢٦٪ بۆ سەر بەرهەمەکانی هیندستان.
٢٥٪ بۆ سەر بەرهەمەکانی کۆریای باشوور.
٣٦٪ بۆ سەر بەرهەمەکانی تایلاند.
٣١٪ بۆ سەر بەرهەمەکانی سویسرا.
٣٢٪ بۆ سەر بەرهەمەکانی ئیندۆنیزیا.
٢٤٪ بۆ سەر بەرهەمەکانی مالیزیا.
١٠٪ بۆ سەر بەرهەمەکانی بەریتانیا.
٣٧٪ بۆ سەر بەرهەمەکانی بەنگلادیش.
١٧٪ بۆ سەر بەرهەمەکانی ئیسرائیل.
٣١٪ بۆ سەر بەرهەمەکانی سویسرا.
١٠٪ بۆ سەر بەرهەمەکانی بەرازیل.
١٠٪ بۆ سەر بەرهەمەکانی ئوسترالیا.
٢٩٪ بۆ سەر بەرهەمەکانی پاکستان.
٢٠٪ بۆ سەر بەرهەمەکانی ئوردن.
١٠٪ بۆ سەر بەرهەمەکانی ئیمارات.
١٠٪ بۆ سەر بەرهەمەکانی میسر.
١٠٪ بۆ سەر بەرهەمەکانی مەغریب.
٢٨٪ بۆ سەر بەرهەمەکانی تونس.
١٠٪ بۆ سەر بەرهەمەکانی لوبنان.