PM:09:28:02/04/2025
1208 جار خوێندراوەتەوە
وەزیری دەرەوەی فەرەنسا رایگەیاند، ئەگەر رێککەوتن لەسەر راگرتنی بەرنامە ئەتۆمییەکەی ئێران نەکرێت رووبەڕووبەنەوەی سەربازی لەگەڵ ئێران نیمچە مسۆگەرە.
ئەمڕۆ چوارشەممە ٢ـی نیسانی ٢٠٢٥، ژان نویل بارۆت، وەزیری دەرەوەی فەرەنسا لە دانیشتنی پەرلەمانی فەرەنسادا ئاماژەی بەوەکرد، ئەگەری گەیشتن بە رێککەوتنێکی نوێ بۆ راگرتنی بەرنامە ئەتۆمییەکەی ئێران سنووردارە و ئەگەر ئەو رێككەوتنە نەکرێت رووبەڕووبوونەوەی سەربازی نیمچە مسۆگەرە.
وەزیری
دەرەوەی فەرەنسا باسی لەوەکرد، تەنها چەند مانگێک ماوە بۆ كۆتایهاتنی رێککەوتنە،
وەك ئاماژەیەك بۆ رێککەوتنە ئەتۆمییەکەی پێشووی ئێران کە لە ساڵی ٢٠١٥ واژۆ کرابوو.
ئەوەش لە کاتێکدایە، کێشەی بەرنامەی ئەتۆمیی
ئێران سەریهەڵداوەتەوە و دۆناڵد ترەمپ، سەرۆکی ئەمریکا هەڕەشە لە ئێران دەکات
بەوەی، ئەگەر لەسەر بەرنامەی ئەتۆمی رێکنەکەون، ئەوا بۆمببارانی دەکات.
