PM:04:52:02/04/2025
1196 جار خوێندراوەتەوە
رێکخراوی حەڤدەی شوبات دژی درێژکردنەوەی ماوەی زیندانیکردنی شێروان شێروانی گربوونەوەیەکی ناڕەزایەتی رێکخست لە بەردەم نوێنەرایەتی حکومەتی هەرێمی کوردستان لە شاری لەندەن.
ئەمڕۆ چوارشەممە ٢ـی نیسانی ٢٠٢٥، رێکخراوی حەڤدەی شوبات دژی درێژکردنەوەی ماوەی زیندانیکردنی شێروان شێروانی چالاکوان و رۆژنامەنووس، لە بەردەم نوێنەرایەتی حکومەتی هەرێمی کوردستان لە شاری لەندەن و لەبەردەم کونسوڵگەری عێراق لە شاری مانچستەر گردبوونەوە.
دوای ئەوەی بڕیاربوو شێروان شێروانی ئازادبکرێت بەڵام دادگا ماوەی
زیندانیکردنی درێژکردەوە بۆ ماوەی شەش مانگی تر و بەهۆیەوە چالاکوانانی کورد لە لەندەن
و لە مانچستەر گردبوونەوە و چەندین دروشمیان لەبەردەم نوێنەرایەتی حکومەتی هەرێم
وتەوە بۆ ئازادکردنی رۆژنامەنووسەکە.
هاوکات چالاکوانان لە گردبوونەوەکەدا رەخنەیان لە حکومەتی هەرێم و
دەسەڵاتی دادوەری دەگرت بە هەمان شێوە لەبەردەم کونسوڵگەری عێراق لە شاری مانچستەر ناڕەزایەتیان دەربڕی کە ئازادی رادەربڕین و میدیا لەعێراق بە گشتی نییە و رۆژنامەنووس
ژیانیان پارێزراونیە وە دادگا و دادوەرەکان سەربەخۆنین.
ئاوات جەمال - بەریتانیا
