PM:04:37:02/04/2025
1776 جار خوێندراوەتەوە
وەزارەتی بازرگانیی عێراق بە هەماهەنگی لەگەڵ لایەنە پەیوەندیدارەکان، هاوردەکردنی ئۆتۆمبێل سنوورداردەکات.
ئەمڕۆ چوارشەممە ٢ـی نیسانی ٢٠٢٥، محەمەد حەنون، وتەبێژی وەزارەتی بازرگانیی عێراق رایگەیاند، بەم نزیکانە میکانیزمێک بۆ رێکخستن و سنوورداکردنی ئاستی هاوردەکردنی ئۆتۆمبێل لە عێراق جێبەجێدەکرێت، بە سەرپەرشتی وەزارەتی بازرگانیی و لایەنە پەیوەندیدارەکان.
ئاماژەی بەوەشکردووە، میکانیزمەکە کاریگەری لەسەر کۆنترۆڵکردنی
بازاڕی ئۆتۆمبێل و کەمکردنەوەی قەرەباڵغی شەقام و رێگاوبانەکان هەیە.
ئەوەشی خستووەتەڕوو، بە مەبەستی جێبەجێکردنی میکانیزمەکە
هەماهەنگی لە نێوان وەزارەتی بازرگانیی عێراق، بەڕێوەبەرایەتیی گشتیی هاتوچۆی عێراق،
وەزارەتی دارایی و بەڕێوەبەرایەتیی گومرگەکان دەکرێت و پێشبینی دەکەن لە ماوەکانی
داهاتوودا هەنگاوی جدی بۆ جێبەجێکردنی بنرێت.
