وەزیری دەرەوەی رووسیا رایگەیاند، ئامادەکاری بۆ دووەمین کۆبونەوەی نێوان شاندەكانی رووسیا و ئەمریکا دەکرێت و خواستی هاوبەشە ئەمریکییەکان بۆ لابردنی بەربەستەكان دەبینرێت.
ئەمڕۆ سێشەممە ١ـی نیسانـی ٢٠٢٥، سێرگی لاڤرۆڤ، وەزیری دەرەوەی رووسیا رایگەیاند، ئامادەکاری بۆ دووەمین کۆبونەوەی نێوان شاندەكانی رووسیا و ئەمریکا دەکرێت و كار و رێكخستەكان بۆ ئەو بابەتە بەردەوامن.
وتیشی، مۆسكۆ پابەندە بە ئاگربەست لەگەڵ ئۆكرانیا و بەڵگەی
پێشێلكارییەكانیان داوەتەوە ئەمریكا.
باسی لەوەشکرد، خواستی هاوبەشە ئەمریکییەکان بۆ لابردنی بەربەستەكانی
بەردەم کاری دیپلۆماتکارانی وڵاتەکانیان دەبینرێت.
هاوکات، رووسیا پێویستی بە کردەوەی کۆنکرێتی هەیە نەک بەڵێن، بۆ
نوێکردنەوەی دەستپێشخەری دەریای رەش.
ئاماژەی بەوەشکرد، ئەمریکییەکان لە ئێستادا سەرقاڵی لێکۆڵینەوەن لە
پێشنیارەکانی رووسیا و ئەوان بە تەواوی پابەندن بە راگرتنی هێرشەکان بۆ سەر
ژێرخانی وزە لە ئۆکرانیا.
هەروەها، رووسیا زانیاریی گەیاندوەتە ئەمریکا و نەتەوە یەکگرتوەکان،
ئەنجومەنی ئاسایش و هاریکاری لە ئەوروپا، سەبارەت بە پێشێلكارییەكانی ئۆکرانیا بۆ
وەستاندنی هێرش بۆ سەر دامەزراوەكانی وزە.