PM:04:18:30/01/2025
27996 جار خوێندراوەتەوە
هاتوچۆی گەرمیان رایگەیاند، لە ناو شاری کەلار، بەهۆی رووداوێکی هاتووچۆی جۆری شێلانەوە، منداڵێکی تەمەن دوو ساڵان گیانی لەدەستدا.
ئەمڕۆ پێنجشەممە ٣٠ـی کانونی دووەمـی ٢٠٢٥، راگەیاندنی بەڕێوەبەرایەتی هاتوچۆی گەرمیان بڵاویکردەوە، کەمێک پێش ئێستا لە شاری کەلار نزیک گەڕەکی شەهیدان، ئۆتۆمبێلێکی جۆری تۆیۆتا لاندکرۆزەر، منداڵێکی تەمەن دوو ساڵانی شێلا و بەسەختی برینداری کرد.
ئاماژە بەوەشکرا، دوای گەیاندنی بە نەخۆشخانە منداڵەکە بەهۆی سەختی
برینەکەیەوە گیانی لەدەستدا.
ئەوەش خراوەتەڕوو، لە ئێستادا تیمی هاتووچۆ لێکۆڵینەوەیان لە رووداوەکە
دەستپێکردووە بەمەبەستی زانینی هۆکار و چۆنیەتی رووداوەکە.
بە گوێرەیی زانیارییە سەرەتاییەکان شۆفێری
ئۆتۆمبێلەکە باوکی منداڵەکەیە و لە ئێستادا لیکۆڵینەوە لە رووداوەکە بەردەوامە.
