هاوکات میدیاکانی ئیسرائیل دەقی تەواوی رێکەوتنەکەی نێوان ئیسرائیل و لوبنانیان بڵاوکردەوە، کە پێکدێت لە ١٣ خاڵ کە ئەمانەن:

• سەرجەم گروپە چەکدارەکانی لە خاکی لوبنان هیچ چالاکیەکی هێرشبەرانە دژی ئیسرائیل ئەنجام نەدەن.

• لەبەرامبەردا ئیسرائیل هیچ چالاکیەکی سەربازیی هێرشبەرانە لەدژی ئامانجەکانی لوبنان ئەنجام نادات، جا چ لەسەر زەوی، چ لە ئاسمان، یان لە دەریادا.

• ئیسرائیل و لوبنان گرنگی بڕیارنامەی ١٧٠١ی ئەنجومەنی ئاسایشی نەتەوە یەکگرتووەکان دەناسن.

• ئەم پابەندبوونانە مافی بەرگریکردن لەخۆی ئیسرائیل یان لوبنان نکۆڵی ناکەن.

• هێزە ئەمنییەکان و سوپای فەرمی لوبنان تاکە ئەکتەرە چەکدارەکان دەبن کە رێگەیان پێدەدرێت چەک هەڵبگرن یان هێزەکانیان لە باشووری لوبنان چالاک بکەن.

• فرۆشتن، دابینکردن یان بەرهەمهێنانی چەک یان کەرەستەی پەیوەندیدار بە چەک لە لوبنان لەلایەن حکومەتی لوبنانەوە سەرپەرشتی دەکرێت.

• هەموو ئەو دامەزراوە بێ مۆڵەتانەی کە بەشدارن لە بەرهەمهێنانی چەک و کەرەستەی پەیوەندیدار بە چەک هەڵدەوەشێنرێنەوە.

• هەموو ژێرخانی سەربازی و شوێنەکان هەڵدەوەشێنرێنەوە، هەروەها دەست بەسەر هەموو ئەو چەکە بێ مۆڵەتانەی کە پابەندی ئەم بەڵێنانە نین دەگیرێت.

• لیژنەیەک بە رەزامەندی هەردوو ئیسرائیل و لوبنان پێکدەهێنرێت بۆ سەرپەرشتیکردن و هاوکاریکردن لە دڵنیابوون لە جێبەجێکردنی ئەو بەڵێنانە.

• ئیسرائیل و لوبنان راپۆرت لەسەر هەر پێشێلکارییەکی ئەگەری ئەم بەڵێنانە پێشکەش بە لیژنەکە و هێزە کاتیەکانی نەتەوە یەکگرتووەکان لە لوبنان (یونیفیل) دەکەن.

• لوبنان هێزی ئەمنی فەرمی و هێزی سوپا بەدرێژایی سەرجەم سنوورەکان و خاڵە پەڕینەوەکان و هێڵی تایبەتی ناوچەی باشوور وەک لە پلانی جێگیرکردندا باسکراوە جێگیر دەکات.

• ئیسرائیل وردە وردە لە باشووری هێڵی شین دەکشێتەوە لە ماوەی ٦٠ ڕۆژ.

• ئەمریکا پەرە بە دانوستانی ناڕاستەوخۆی نێوان ئیسرائیل و لوبنان دەدات بۆ گەیشتن بە سنوورە وشکانییە دانپێدانراوەکان.