PM:08:26:13/11/2024
4012 جار خوێندراوەتەوە
نوسینگەی سەرۆک وەزیرانی عێراق رایگەیاند، سەرۆک وەزیرانی عێراق و سەرۆکی جوڵانەوەی نەوەی نوێ لە شاری سلێمانی کۆبوونەوە و جەخت کرایەوە لە پێکهێنانی حکومەتی نوێی هەرێم بە زووترین کات.
نوسینگەی سەرۆک وەزیرانی عێراق لە راگەیەنراوێکدا بڵاویکردەوە، محەمەد شیاع سودانی سەرۆک وەزیرانی عێراق و شاسوار عەبدولواحید سەرۆکی جوڵانەوەی نوێ لە شاری سلێمانی کۆبوونەوە و جەخت کرایەوە لە پێکهێنانی بەپەلەی پەرلەمان و حکومەتی نوێی هەرێم.
ئەوەش هاتووە، لە
کۆبوونەوەکەدا سودانی جەختی کردووەتەوە لەوەی کە پێویستە داواکارییەکانی هاوڵاتیانی
هەرێم جێبەجێ بکرێن، سودانی جەختیشی کردووەتەوە لە جێبەجێکردنی لێکتێگەیشتنەکانی نێوان
هەرێم و بەغدا.
هاوکات، سودانی رایگەیاندووە، پێکهێنانی
پەرلەمان و حکومەتی نوێ لە هەرێم رۆڵی لە بەدیهێنانی سەقامگیری هەیە، هەربۆیە پێویستە
بە زووترین کات پەرلەمان و حکومەتی نوێ پێکبهێنرێت.
