هاوكات سبەی،‎ سێشەممە، ٨ـی ١٠، وەزارەتی رۆشنبیری، کارەبا، ئاوەدانکردنەوە و نیشتەجێکردن، خوێندنی باڵا، پێشمەرگە (دیوان و لیواکان)، یەکەی ٧٠ و ٨٠، ئەنجوومەن و دەزگای ئاسایش، زێرەڤانی و فەرماندەی بەرگری و فریاکەوتن، بەڕێوەبەرایەتیی پۆلیسی دامودەزگا نەوتییەکان، سەرۆکایەتی پەرلەمان و هەرێم و ئەنجوومەنی وەزیران مووچەکانیان وەردەگرن.

چاوەڕوان دەکرێت دوای دابەشكردنی مووچەی مانگی هەشت، خشتەی مووچەی مانگی نۆ بڵاوبكرێتەوە، لە بەغداشەوە بڕی ٩٢٨ ملیار بۆ مووچەی مانگی نۆ خەرجكراوە، بەڵام بەشێکی ئەو پارەیە هەرێم بۆ تەواوکاری مووچەی مانگی هەشت بەکاری هێناوە.

سەرچاوەیەكیش لە وەزارەتی دارایی عێراق بە ئێن ئاڕ تی راگەیاند، بڕیاری خەرجكردنی ٣٣٠ ملیار دیناریان بۆ مووچەی هێزە ئەمبییەكان داوە.

سەرچاوەكە ئاماژەی بەوەشكردووە، ئەگەر هیچ گرفتێك لە وردبینیەكاندا نەبێت، ئەم هەفتەیە تەواوی مووچەی مانگی نۆی مووچەخۆرانی هەرێم دەخرێتە سەر هەژماری بانكی هەرێم.

ئەوەش لەكاتێكدایە، ئێستا مانگی ١٠یە، بەڵام مووچەخۆران مووچەی مانگی هەشت وەردەگرن، پێشتریش ئێن ئاڕ تی ئەوەی ئاشكرا كردبوو، دواخستنی خشتەی مووچە بەئەنقەست بووە و هەردوو بنەماڵەی بارزانی و تاڵەبانی دەستیان بەسەر پارەی بەغدا گرتبوو و دەیانویست دابەشکردنی مووچە بکەوێتە مانگی ١٠ و بۆ بانگەشە بەکاری بهێنن.