بانکی نێودەوڵەتی رایگەیاند، عێراق گۆڕانکارییەکی گەورە بەخۆیەوە بینیوە لە باشترکردنی ژینگەی بازرگانی و خزمەتگوزارییە گشتییەکان، ئەمەش وایکردووە لەسەر ئاستی جیهانی بتوانێت ڕکابەری بکات.
ئەمڕۆ پێنجشەممە، بانکی نێودەوڵەتی رایگەیاند، عێراق گۆڕانکاریی گەورەی لە باشترکردنی ژینگەی بازرگانی و ئاسایشی بازارگانیدا بەدەست هێناوە و بووەتە جێگەی خواستی بازرگانان تا بازرگانی لە وڵاتەکەدا بکەن.
باسی لەوەش کردووە، سەقامگیری و ڕێکخستنی بازرگانی لە عێراق پێشکەوتنی بەرچاوی بەدەستهێناوە لە
دروستکردنی چوارچێوەیەکی رێکخراوەیی سەقامگیرتر و دۆستی بازرگانی، هەروەها
سەرکەوتوو بووە لە ئاسانکاریی بۆ کاروبارە بازرگانییەکان بە ئاسانکردنی پرۆسەکانی
تۆمارکردنی کۆمپانیاکان و نەهێشتنی سەقفی کەمترین سەرمایە بۆ بازرگانی.
ئەوەشی خستووەتە روو، ئەو پێشکەوتنانە وای
کردووە عێراق ببێتە جێگەی خواستی بازرگانان بەتایبەت ئەوانەی خاوەنی بازرگانی بچوک
و مامناوەندن و هاوتەریب کردنی یاساکانی بازرگانی عێراق لەگەڵ یاساکانی وڵاتانی پێشکەوتوو
کارئاسانی زیاتری کردووە بۆ بازرگانان.
لەوبارەیەشەوە وەزارەتی دارایی عێراق رایگەیاند،
عێراق پابەندە بە پلانەکانییەوە بۆ باشترکردنی کەرتی بازرگانی چاکسازی لەو کەرتەدا.