فرۆشی ئەمڕۆ بانکی ناوەندی زیاتر لە ٢٥٨ ملیۆن دۆلار بووە و لە ئێستاشدا لە بازاڕی دراوەکانی هەرێم ١٠٠ دۆلار بە ١٥١ هەزار و ٦٥٠ دینار مامەڵەی پێوە دەکرێت.
ئەمڕۆ یەکشەممە، بانکی ناوەندیی عێراق لە سەکۆی خستنەڕووی دراوەکانەوە رایگەیاند، بە تێکڕا ٢٥٨ ملیۆن و ٧٩٦ هەزار و ١٩ دۆلاری بە نرخی فەرمی بە بانک و بازرگانەکان فرۆشتووە.
ئاماژەی بەوەش کرد، لەو رێژەیە ١١ ملیۆن و
٥٠٠ هەزار دۆلاری فرۆشی کاش و ٢٤٧ ملیۆن و ٢٩٦ هەزار و ١٩ دۆلاری فرۆشی حەواڵەی
دەرەکی بووە.
هاوکات، ماوەی چەند رۆژێکە نرخی دۆلار لە
سەروو ١٥١ هەزار دینارەوە جێگیرە و لە ئێستاشدا لە بازاڕی دراوەکانی هەرێم ١٠٠
دۆلار بە ١٥١ هەزار و ٦٥٠ دینار مامەڵەی پێوە دەکرێت.
ئەوەش لەکاتێکدایە، بەپێی داتاکانی بانکی ناوەندیی عێراق، لە ١ بۆ ٢٦ـی ئەیلول، بە تێکڕا
بڕی چوار ملیار و ٨٨٠ ملیۆن و ٣٦١ هەزار و ٥٧٦ دۆلار بە نرخی فەرمی بە بانک و
بازرگانەکان فرۆشراوە. لەو رێژەیە
٢٥١ ملیۆن و ٩٥٠ هەزار دۆلاری بەشێوەی کاش و بڕی چوار
ملیار و ٦٢٨ ملیۆن و ٤١١ هەزار و ٥٧٦ دۆلاری بەشێوەی حەواڵەی دەرەکی فرۆشراوە.