دوێنێ ئاگر لە زنجیرەچیای پیرەمەگرون لە سلێمانی کەوتەوە و پاش زیاتر لە ١٠ کاتژمێر ئاگرەکە خۆی کوژایەوە. دانیشتووانی ناوچەکەیش دەڵێن، زیاتر لە چوار هەزار دۆنم لە پوش و پاوان سوتاون.
پەیامنێری ئێن ئاڕ تی باسی لەوەکرد، دوای ئەوەی دوێنێ یەکشەممە ئاگر لە شاخی سۆتکە لە چیای پیرەمەگرون لە سلێمانی کەوتەوە و دوای زیاتر لە ١٠ کاتژمێر ئاگرەکە خۆی کوژایەوە.
باسی لەوەشکرد،
ئاگرەکە بەهۆی ئەو ئاگربڕانەوە کوژایەوە کە دروستکراون لە ناوچەکەدا، ئەگەرنا
شوێنەکەی سەخت بووە و تیمەکانی بەرگری شارستانی نەیانتوانیوە بگەنە شوێنی ئاگرەکە
بە کەرستەی پێویستەوە.
گوندنشینانی
ناوچەکە دەڵێن، بەهۆی سەختی شوێنەکەوە ئاستەنگ بۆ تیمەکانی بەرگری شارستانی دروست
بووە و بە هاوکاری دانیشتووانی گوندەکە بە کەرستەی سەرەتایی ئاگرەکە کوژێنراوەتەوە.
پەیامنێری ئێن
ئاڕ تی باسی لەوەکرد، تاوەکو ئێستا جگە سوتانی پوشوپاوان ئاگرەکە هیچ زیانی دیکەی
نەبووە.