PM:07:48:22/10/2025
25396 جار خوێندراوەتەوە
دوا نیوەڕۆی ئەمڕۆ لە رووداوێکی سەختی هاتووچۆدا لە تاسلوجە باوک و کوڕێک گیانیانلەدەستدا و دوانی دیکەش بریندار بوون.
ئەمڕۆ چوارشەممە ٢٢ـی تشرینی یەکەمی ٢٠٢٥، به‌همه‌ن عه‌بدوڵا وته‌بێژی هاتوچۆی سلێمانی بڵاویکردەوە، رووداوەکە پاش نیوەڕۆی ئەمڕۆ روویداوە لە تاسڵوجە، چوار کەس لەناو ئۆتۆمبێلەکەدا بوون و دوانیان گیانیانلەدەستداوە کە باوک و کوڕن و دوانەکەی تر کە خیزانی پیاوەکە و منداڵێکی تریان بووە لەژێر چاودێری پزیشکیدان.
ئاماژەی بەوەشکرد، ئۆتۆمبیلێکى جۆرى ئۆپڵ خۆى کێشاوە بە ئۆتۆمبێلێکى چوار
تەنیدا و لە ئەنجامدا شۆفێرى ئۆتۆمبێلەکە و کوڕەکەی کە تەمەنی چوار ساڵە، گیانیان
لەدەستداوە.
داواش دەکات،
شۆفێران پابەندى یاسا و رێنماییەکانى هاتووچۆبن تا بەدوربن لەو رووداوە ناخۆشانە و
سەروماڵى هاوڵاتیان بە پارێزراوى بمێنێتەوە.
