سەردێڕ:

نرخی زێڕ لە بازاڕەکانی هەرێم دابەزینی بەخۆیەوە بینیوە

PM:02:02:10/07/2024

1432 جار خوێندراوەتەوە

نرخی زێڕ لە بازاڕەکانی جیهاندا دابەزینی بەخۆیەوە بینیوە و ئۆنسەیەک لەو کانزا زەردە بە دوو هەزار و ٣٧٢ دۆلار مامەڵەی پێوە دەکرێت، لە بازاڕەکانی هەرێمیش، لە هەفتەی رابردووەوە نرخی زێڕ دەستی بە دابەزین کردووە و بەراورد بە دوێنێ، نرخی هەر مسقاڵیک دوو بۆ سێ هەزار دینار دابەزیوە.


ئەمڕۆ چوارشەممە، بە گوێرەی پێنوێنیی جیهانیی بازاڕی زێڕ، نرخی گرامێک لەو کانزایە ٧٦ دۆلار و ٢٧ سەنتە و کیلۆگرامێکیش ٧٦ هەزار و ٢٧٤ دۆلارە.

ئەو دابەزینەی نرخی زێر دوا بەدوای دابەزینی رێژەی هەڵاوسان و فراوانبوونی ئاستی گەشەی دارایی ئەمریکا و چین دێت، کە بەهۆیەوە لەماوەی هەفتەیەکدا بەهای ئۆنسەیەک لەنێوان ٢٠ بۆ ٤٠ دۆلار دابەزینی بەخۆیەوە بینیوە.

لە بازاڕەکانی هەرێمدا، نرخی زێر دابەزینی بەخۆیەوە بینیوە و ئەوەش بووەتە هۆی بەرزبوونەوەی خواستی هاوڵاتییان بۆ کڕینەوەی زێڕ و بەراورد بە دوێنێ سێشەممە، نرخی زێر دوو تا سێ هەزار دینار دابەزیوە.

نرخی مسقاڵێک زێڕ لە بازاڕەکانی هەرێم بەم جۆرەیە:

زێڕی عەیار ١٨ به ٤٢٨ هەزار دینارە

زێڕی عەیار ٢١ به ٤٩٨ هەزار دینارە

زێڕی عەیار ٢٢ به ٥٢٣ هەزار دینارە

زێڕی عەیار ٢٤ به ٥٦٨ هەزار دینارە













گەلەری