بە تۆمەتى تێوەگلان لە گەندەڵى وەزیرى نەوتى عێراق و چەند بەرپرسێکى باڵاى وەزارەتەکەی بانگهێشتى دادگا کراون.
دەستەی دەستپاکی عێراق رایگەیاند دادگای لێکۆڵینەوەی کەرخ فەرمانێکی بۆ بانگهێشتکردنی ئیحسان عەبدولجەبار وەزیری نەوتی عێراق و یەکێک لە یاریدەدەرانی و دوو بەڕێوبەری گشتی وەزارەتەکە دەرکردووە.
ئاماژە بەوەشکراوە، وەزیری
نەوت بە تۆمەتی بەکارهێنانی پۆستەکەی بۆ بەرژەوەندی خۆی و دەستبەسەرداگرتنی پارچە
زەوییەک دادگایی دەکرێن.
ئەوەشخراوەتەڕوو، دۆسییەی
وەزیر و بەرپرسانی تری وەزارەتی نەوت بەپێی ماددەی ٣١٦ی عێراقی لێکۆڵینەوەی لێدەکرێت.
ئەمەش لەکاتێکدایە، لە هەرێمی
کوردستان بەوتەى دەستەى دەستپاکى و داواکارى گشتى چەندین بەرپرسى باڵا لە گەندەڵیەوە
تێوەگلاون بەڵام تا ئێستا هیچ کەسێکیان سزا نەدراون.