ئەمڕۆ ژینگەپارێزانی رانیە و قەڵادزێ گردبوونەتەوە و دەڵێن، کاردەکەن و موچەکانیان پێنادرێت، داوای ئەوەش دەکەن، کە دوو موچەی رابردوویان بدەنەوە.
ئەو ژینگە پارێزانە دەڵێن، تاوەکو دوو موچەکەیان پێنەدرێت دەست بە کارەکانیان ناکەنەوە.
ژینگەپارێزانی
رانیە، رێگای مەفرەقی حاجیاوا-چوارقوڕنەیان داخستووە، کە هەردوو ناحیەکە بە قەزای
رانیەوە دەبەستێتەوە و دەڵێن، تاوەکو دوو موچەکەیان بۆ خەرجنەکرێتەوە رێگاکە
ناکەنەوە.
لەوبارەیەوە
ژینگەپارێزان دەڵێن، تاوەکو ئێستا هیچ وەڵامێکیان نەدراوەتەوە و کرێکارەکان
موچەکانیان جیاوازە لە نێوان ٢٥٠ هەار بۆ ٤٥٠ هەزار.
ژینگە پارێزەکان
باسیان لەوەشکرد، کە ئەوان لە سەرەتای ساڵانی ٢٠٠٠ـەکانەوە لە شارەوانین دواتر
خراونەتە سەر کۆمپانیا و کەرتی تایبەت بەڵام دۆخیان خراپتر کراوە.
ئاماژە بەوەشدەکەن، حکومەت وەڵامی نەداوینەتەوە و دەشپرسن؟ "بۆچی حکومەت وەڵاممان ناداتەوە؟ خۆ ئەگەر ئێمە نەبین کەس نییە ئەو خۆڵ و خاشاکە فڕێبدات و پاکی بکاتەوە."
لەوبارەیەشەوە بەرپرسانی کۆمپانیاکە باسیان لەوەکرد، کە ئەو گرفتە لەلای حکومەتەوەیە و ئەگەر حکومەت پارەکەیان نەدات ئەوانیش ناتوانن پارەی ئەو ژینگەپارێز و پاسەوانانە بدەن.
