PM:01:47:02/04/2026
1032 جار خوێندراوەتەوە
مەسرور بارزانی و وەزیری دەرەوەی قەتەر پەیوەندییەکی تەلەفۆنییان ئەنجامدا و پەرەسەندنەکانی دۆخی گشتی هەرێمی کوردستان و قەتەر و ناوچەکەیان تاوتوێ کرد.
ئەمڕۆ پێنجشەممە ٢ـی ئازاری ٢٠٢٦، مەسرور بارزانی، سەرۆکی حکومەتی ماوەبەسەرچوو وتی، "لەگەڵ محەمەد بن عەبدولڕەحمان ئال سانی، وەزیری دەرەوەی قەتەر پەیوەندییەکی تەلەفۆنییان ئەنجامدا و سەرکۆنەی ئەو هێرشە تیرۆریستیانەمان کرد کە دەکرێنە سەر هەرێمی کوردستان و قەتەر و نیگەرانی قوڵی خۆمان لە بەرانبەر پەرەسەندنی شەڕ و گرژییەکان لە ناوچەکە دەربڕی و جەختمان لە گرنگی پاراستنی ئاشتی و ئاسایش و سەقامگیری کردەوە".
وتیشی، "هاوڕابووین
لەوەی میلیشیا و گرووپە لە یاسادەرچووەکان، مایەی هەڕەشە و مەترسین و پێویستە
حکومەتی عێراق کۆنترۆڵیان بکات و جەختمان لە لە پاراستنی ئاشتی و سەقامگیریی
کردەوە".
ئاماژەی
بەوەکرد، "جەختمان لەوە کردەوە کە دەبێت هەڕەشە و مەترسییەکانیش لەبەرچا
بگیرێن و کۆک بووین لە سەر پێویستی بەردەوامبوونی پەیوەندیی و هاوئاهەنگی بۆ
تێپەڕاندنی ئاڵنگاری و ئاستەنگەکان ".
