PM:02:23:05/04/2026
16936 جار خوێندراوەتەوە
کەشناسیی هەرێم رایگەیاند، ئەمڕۆ لە کاتەکانی ئێوارەوە نمەباران لە چەندین ناوچەی هەرێم دەستپێدەکات وسبەینێش شەپۆلێکی لێزمە باران و هەورەبروسکە ناوچەکانی هەرێم دەگرێتەوە.
ئەمڕۆ یەکشەممە ٥ـی نیسانی ٢٠٢٦، بەڕێوەبەرایەتی گشتیی کەشناسیی وبوومەلەرزەزانی بڵاویکردەوە، لە دوای نیوەڕۆی رۆژی دووشەممەوە ئەگەری نمە باران و هەورەبرووسکە هەیە لەسەر هەندێ ناوچە شاخاوییە بەرزەکان و لە هەندێک ناوچەش لێزمە باران دەبێت و لە هەندێک ناوچەی دیکەش کەشەکە نیمچە هەوردەبێت و پلەکانی گەرماش بەرزدەبنەوە.
ئاماژەی بەوەشکرد، لە ئێستادا هەرێمی کوردستان لە ژێر کاریگەری هیچ
شەپۆڵێکی باران بارین نیە ئەوەی لە پێشبینیەکان هەیە کەشی وەرزی بەهاریە بە بوونی
باران لە ناوچەیەک و ناوچەیەکی تر ئاسمانی نیمچە هەور بێت و ناوچەیەکی تر ئاسمانی
ساماڵ بێت، واتە دروستبوونی هەر کەشێکی ناسەقامگیر پێشبینی ناکرێت بەهۆی خێرایی
پڕۆسەی چڕبوونەوەی هەور و باران بارینێکی لەناکاو.
بەرزترین پلەی گەرمای پیسبینکراو:
سلێمانی: ١٧ پلەی سیلیزی
هەولێر: ١٩ پلەی سیلیزی
پیرمام: ١٤ پلەی سیلیزی
سۆران: ١٦ پلەی سیلیزی
حاجی ئۆمەران: ١٢ پلەی سیلیزی
چەمچەماڵ: ١٨ پلەی سیلیزی
دهۆک: ١٨ پلەی سیلیزی
زاخۆ: ٢٠ پلەی سیلیزی
هەڵەبجە: ٢٠ پلەی سیلیزی
گەرمیان: ٢٣ پلەی سیلیزی
