PM:12:08:30/03/2026
864 جار خوێندراوەتەوە
کەشناسی هەرێم رایگەیاند، ئەمڕۆ و سبەی شەپۆلی بارانبارین بەردەوام دەبێت لە سەرجەم ناوچەکانی هەرێم و ئەگەری تەرزە باران و بەفر بارین هەیە لە ناوچە شاخاوییەکان و پلەکانی گەرماش نزمدەبێتەوە، کاتەکانی درەنگانی شەو کاریگەری دابارین بە لاوازی دەمێنێتەوە.
ئەمڕۆ دووشەممە ٣٠ـی ئازاری ٢٠٢٦، بەڕێوەبەرایەتی گشتیی کەشناسیی و بوومەلەرزەزانی بڵاویکردەوە، ئاسمانی هەرێم لەنێوان نیمچە هەور و هەوری تەواو دەبێت بەتایبەتی لەناوچە شاخاوییەکاندا لەگەڵ دابارینی نمە باران لەزۆربەی ناوچەکان وە هەروەها کەمێک بەفر بارین لەناوچە شاخاوییە سنووریەکاندا، لەکاتەکانی نیوەرۆ تاکو ئێوارە ئەگەری تاوە باران و هەورەبرووسکە هەیە لەناوچە جیاجیاکاندا.
لەبارەی کەشوهەوای سبەینێ ئاماژەی بەوەکرد، ئاسمان لەنیوان هەور و
نیمچە هەور دەبێت، لەگەڵ دابارینی نمە باران لەناوچە جیاجیاکاندا، لەکاتەکانی دوای
نیوەرۆ ئەگەری تاوە باران و برووسکە لەناوچەکانی سنووری پارێزگاکانی هەولێر و
سلێمانی و کەرکوک وە ئیدارەی سەربەخۆی گەرمیان دەکرێت، پێشبینی تەرزە بارین دەکرێت
و پاشان بۆ کاتەکانی ئێوارە کەش بەگشتی سەقامگیر دەبێتەوە ئاسمان بەرەو ساماڵ
دەگۆڕێت.
بەرزترین پلەکانی گەرمای پێشبینیکراو:
سلێمانی: ١٣ پلەی سیلیزی
هەولێر: ١٦ پلەی سیلیزی
پیرمام: ١٢ پلەی سیلیزی
سۆران: ١٢ پلەی سیلیزی
حاجی ئۆمەران: ٤ پلەی سیلیزی
چەمچەماڵ: ١٤ پلەی سیلیزی
دهۆک: ١٢ پلەی سیلیزی
زاخۆ: ١٢ پلەی سیلیزی
هەڵەبجە: ١٢ پلەی سیلیزی
گەرمیان: ١٨ پلەی سیلیزی
