PM:01:05:06/01/2026
564 جار خوێندراوەتەوە
تەندروستیی سلێمانی دەڵێت، ساڵی رابردوو زیاتر لە ١٨ هەزار چارەخواز سەردانی نەخۆشخانەی دڵیان کردووە و چارەسەری پێویستیان بۆ کراوە.
ئەمڕۆ سێشەممە ٦ـی کانونی دووەمی ٢٠٢٦، بەڕێوەبەرایەتیی گشتیی تەندروستیی سلێمانی لە بڵاوکراوەیەکدا وتی، لە ساڵی رابردوو لە شاری سلێمانی، ١٨ هەزار و ٧٦ کەس، سەردانی سەردانی نەخۆشخانەی دڵیان كردووە و چارەسەری پێویستیان بۆ كراوە، هەروەها حەوت هەزار و ٨٦٧ نەخۆش بەمەبەستی وەرگرتنی چارەسەر داخڵی نەخۆشخانەکە کراون.
وتیشی، ساڵی رابردوو لە نەخۆشخانەی
دڵ، پێنج هەزار و ٨٠٢ بوژاندنەوەی دڵ، ٤٥١ نەشتەرگەریی دڵ، دوو هەزار و ٨٧٠
نەشتەرگەریی قەستەرە و هەزار و ٦٨٣ دانانی باڵۆن ئەنجامدراوە.
ئاماژەی بەوەشدا، لەو ماوەیەدا لە
نەخۆشخانەی دڵ، چوار هەزار ٦٨٠ ئیکۆ، دوو هەزار و ٩٧٧ پشکنینی سیتی سکان، سێ هەزار
و ٣٧٧ هێلکاری دڵ، ٣٦ هەزار و ٣١٥ شیکاری تاقیگەیی ئەنجامدراوە.
