PM:02:53:14/01/2026
3444 جار خوێندراوەتەوە
وەزارەتی پەروەردە، لە بڕیارێکی نوێدا کە ئاراستەی سەرجەم بەڕێوەبەرایەتییە گشتییەکانی پەروەردەی (هەولێر، سلێمانی، دهۆک، گەرمیان، هەڵەبجە، سۆران، زاخۆ و راپەڕین) کردووە، رایگەیاند کە پڕۆگرامی خوێندنی بۆ ساڵی ٢٠٢٥-٢٠٢٦ کەمکردووەتەوە.
ئەمڕۆ چوارشەممە ١٤ـی کانونی دووەمـی ٢٠٢٦، بەپێی نووسراوە فەرمییەکەی وەزارەتی پەروەردەی هەرێم، ئەم بڕیارە لە پێناو بەرژەوەندی قوتابیان و خوێندکاران دراوە، تێیدا هاتووە کە چەند بەش و بابەتێکی پڕۆگرامی خوێندن کە لە خشتەیەکی هاوپێچدا دیاری کراون، بۆ تاقیکردنەوە گشتییەکانی پۆلی ١٢ـی ئامادەیی (بۆ هەردوو لقی زانستی و وێژەیی) و تاقیکردنەوەی نیشتمانی پۆلی نۆی بنەڕەتی داواکراو نابن.
ئەم هەنگاوە
دوای هەڵسەنگاندنی رەوشی خوێندن و بە مەبەستی کەمکردنی ئەرکی سەر شانی قوتابیان لە
کاتی تاقیکردنەوە کۆتاییەکانی ساڵی خوێندنی ٢٠٢٥-٢٠٢٦ نراوە، وەزارەت جەختی
کردووەتەوە کە تەنیا ئەو بابەتانە لە تاقیکردنەوەکاندا دێنەوە کە لە دەرەوەی خشتەی
لادراوەکاندان.
ئەو بابەتانەی کە داواکراو نییە بۆ تاقیکردنەوەکان
