لە رووداوێکی تەقەکردندا لە گوندێکی سنووری سلێمانی کەسێک کوژرا و بەپێی زانیارییەکان تا ئێستا تۆمەتبارەکە دەستگیرنەکراوە.
ئەمڕۆ دووشەممە ٥ـی کانونی دووەمـی ٢٠٢٦، شایەتحاڵەکانی رووداوەکە بە پەیامنێری ئێن ئاڕ تییان وت، تۆمەتبارەکە و کوژراوەکە کەسوکاری یەکترن و گرفتێکی ئەوتۆ لەنێوانیاندا نەبووە.
ئاماژەیان بەوەشکردووە، لەو کاتەدا کوژراوەکە لەناو ئۆتۆمبێلەکەیدا بووە و
تۆمەتبارەکە دەستڕێژی گولـلەی لێکردووە و کەسەکە دوو گولـلەی بەرکەوتووە و رەوانەی
نەخۆشخانە کراوە بەڵام پێش گەیشتنی بە نەخۆشخانە گیانی لەدەستداوە.
دەشڵێن، تۆمەتبارەکە و کوژراوەکە کەسوکاری یەکترن و گرفتێکی ئەوتۆ
لەنێوانیاندا نەبووە، پاش رووداوەکەش تۆمەتبارەکە بە ئاراستەی شاخی گۆیژە هەڵاتووە
و هێزە ئەمنییەکانیش چونەتە شوێنی رووداوەکە و هەوڵی دەستگیرکردنی تۆمەتبارەکەیان
داوە.
هەر بەپێی زانیارییەکان، ئەو پیاوەی کوژراوە تەمەنی ٥٠ ساڵ بووە و
خێزانداربووە و خاوەنی چوار منداڵ بووە.