بۆ یەکەمجار کچێکی هەڵەبجەیی بووە ئەندامی ئەنجومەنی شارەوانی بێڵڤیو لە ویلایەتی واشنتن، توانی زیاتر لە ٥١٪ی دەنگەکان بەدەستبهێنێت و بەسەر رکابەرەکەیدا سەربکەوێت.
بەپێی ئەنجامی هەڵبژاردنەکانی ئەنجومەنی شارەوانی لە ویلایەتی واشنتن (نارین بڕیار) کە کچێکی کوردی ئەمریکییە، توانی لە هەڵبژاردنی ئەنجومەنی شارەوانیی شاری بێڵڤیو سەرکەوتن بەدەستبهێنێت و ببێتە ئەندامی ئەنجومەنی شاری بێڵڤیوی واشنتن.
بەپێی ئەنجامی
هەڵبژاردنەکە، نارین توانیویەتی زیاتر لە ٥١٪ـی دەنگەکان بەدەستبهێنێت و بەسەر
رکابەرەکەیدا سەربکەوێت کە نزیکەی ٤٨٪ـی دەنگەکانی بەدەستهێناوە.
شارەوانیی
بێڵڤیو سێیەم گەورەترین شارەوانیی ناوچەی سیاتڵە لە ویلایەتی واشنتن، بەپێی
سەرژمێری ٢٠٢٠، ژمارەی دانیشتووانی زیاتر لە ١٥١ هەزار و ٨٠٠ کەس دەبێت.
شارەکە بەیەکێک
لە شارە ئابووری و تەکنەلۆژییەکانی ئەمریکا ناسراوە و ژمارەیەک کۆمپانیای گەورەی
بواری تەکنەلۆژی لەو شارەن، لە ناویاندا پەیسەر ئینک، تی مۆبڵ و هەروەها ڤاڵڤ،
هاوکات کۆمپانیای ئەمازۆنیش لە ساڵی ١٩٩٤ لەلایەن جێف بیزۆس لەم شارە دامەزراوە.
نارین لە
ویلایەتی تەکساسی ئەمریکا، لە دایک و باوکێکی کوردی خەڵکی هەڵەبجە لەدایکبووە، نارین
لە زانکۆی بۆستن خوێندنی باڵای تەواو کردووە، ئێستاش دانیشتووی شاری بێلڤیووە لە
ویلایەتی واشنتن.