PM:01:50:06/11/2025
2296 جار خوێندراوەتەوە
بەهۆی ئەو لافاو و زریانەی لە فلیپین رویداوە تا ئێستا ١١٤ کەس گیانیان لەدەست داوە و ١٢٧ کەسی دیکەش بێسەروشوێنن.
ئەمڕۆ پێنجشەممە ٦ـی تشرینی دووەمی ٢٠٢٥، فێردیناند مارکۆس، سەرۆکی فلیپین، دوای ئەوەی زریانی کالمایگی لە وڵاتەکەیدا روویدا، باری نائاسایی وڵاتەکەی راگەیاند و بە کوشندەترین کارەساتی سروشتی ناویبرد کە لەم ساڵدا بەسەریاندا هاتبێت.
نووسینگەی بەرگری شارستانی فلیپینیش دەڵێت، تا ئیستا بەهۆی زریانەکەوە ١١٤
خنکاون و گیانیان لەدەستداوە و ١٢٧ کەسی دیکەش بێسەروشوێنن.
دەشڵێن، زۆربەی قوربانییەکان لە ناوەڕاستی فلیپین بوون و بە پلەی یەکەم
پارێزگای سیبو زۆرترین زیانی بەرکەوتووە.
