PM:06:32:21/09/2025
480 جار خوێندراوەتەوە
وەزارەتی ئەوقافی هەرێم ئامادەکاری بۆ حەجی داهاتوو دەکات و بۆ ئەو مەبەستەش سبەی تیمێکیان دەچێتە سعودیە.
ئەمڕۆ یەکشەممە ٢١ـی ئەیلولی ٢٠٢٥، بەپێی راگەیەنراوێکی بەڕێوەبەرایەتی حەج و عومرەی هەرێم، لەسەر راسپاردەی وەزیری ئەوقاف و کاروباری ئایینی، نوێنەری بەرێوەبەرایەتییەکە لە دەستەی باڵای حەج و عومرەی عێراقی دەستنیشان کراون تاوەکوو شانبەشانی دەستەی باڵای حەج و عومرەی عیراق بەدواداچوون و سەردانی ئەو ئۆتێلانە بکەن کە بۆ ساڵی داهاتوو لە شاری مەدینە بۆ حاجیانی عێراق و هەرێم دەستنیشان دەکرێن، لەگەڵ چاودێریکردنی ئەو خواردنەی کە بۆ حاجیان ئامادە دەکرێت.
لەو بارەیەشەوە
کاروان ستونی، وتەبێژی حەج و عومرەی هەرێم رایگەیاندووە، سبەینێ دووشەممە ٢٢ـی
ئەیلولی ئەمساڵ بەرەو شاری مەدینە بەڕێدەکەون بۆ دەستپێکردنی ئامادەکارییەکان بۆ
پرۆسەی حەجی ساڵی ٢٠٢٦.
ساڵانە
وەزارەتی ئەوقاف و کاروباری ئایینی هەرێمی کوردستان ئامادەکاری بۆ حەج دەکات و
ئەمساڵیش بۆ یەکەم جار لەسەر ئاستی هەرێم، ناونووسین بۆ بەشداریکردن لە حەج
بەشێوەی ئەلیکترۆنی ئەنجامدرا.
